Teksa kontrollet për parandalimin, evidentimin dhe goditjen e tentativës për kultivim të bimëve narkotike vijon, policia ka vënë në pranga 1 person në Mirditë.
Gjatë kontrolleve në sipërfaqe të pyllëzuar, banesa të braktisura nga pronarët dhe ish-reparte ushtarake, në fshatin Arrëz, Njësia Administrative Kaçinar, Mirditë, është konstatuar në tentativë për të kultivuar bimë narkotike, shtetasi Nikoll Ndreca, banues në fshatin Kaçinar, Mirditë, i cili edhe është vënë në pranga.
Gjatë kontrollit të ushtruar në banesën e tij, policia gjeti dhe sekuestroi një armë zjarri pistoletë dhe municion luftarak.
Materialet i kaluan Prokurorisë së Rrethit Gjyqësor Lezhë, për veprime të mëtejshme, për veprat penale "Kultivimi i bimëve narkotike" dhe "Armëmbajtja pa leje”.
