4 persona janë arrestuar pasi akuzohen se kanë kultivuar 270 rrënjë canabis sativa. Arrestimet u zhvilluan në dy operacione të ndryshme, në fshatin Rromës në Mallakastër dhe fshatin Vloshë në Roskovec.
Në Mallakastër, në një zonë të pyllëzuar të fshatit Rromës, u gjetën të kultivuara disa bimë narkotike, ku u arrestuan edhe 3 persona S. L., 29 vjeç, B. L., 30 vjeç dhe A. L., 38 vjeç, si autorët të kultivimit të 150 rrënjëve canabis sativa.
Operacioni i dytë u zhvillua nga policia në fshatin Vloshë në Roskovec, ku një 60-vjeçar me iniciale B.H. kishte kultivuara 120 rrënjë canabis sativa në tokën e tij.
Të 4 personat u arrestuan për veprën penale "Kultivimi i bimëve narkotike" dhe materialet i kaluan Prokurorisë pranë Gjykatës së Shkallës së Parë Fier për veprime të mëtejshme procedurale.
