Në Qendrën Kulturore të Katedrales Ortodokse, këtë fundjavë ata mirëpresin miqtë, me një copëz narrative të simboleve, historisë së tyre dhe mbrëmjes muzikore që ‘do t’i pulsojë’ përmes tingujve këto tipare të romëve...
Pakica etnike më e madhe në Evropë, në këtë koncert të veçantë prezantohet përmes “Harmonisë së kombeve: - Romët- pulsi i Unitetit të Ballkanit Perëndimor”. Janë pjesë muzikore të krijuara apo ripërpunuara nga Bekir Haliti, e që interpretohen nga Orkestra ‘Romët-Forca e Natyrës’.
“Ky koncert shënon një eksperiencë unike të të sjellit romët nga vende të ndryshme që të luajnë muzikën e tyre, edhe me miq që nuk i përkasin kësaj pakice.
Koncerti flet për historinë, të tashmen tonë, flet për unitetin dhe forcën që tejkalon kufijtë”, shprehet Zeljko Jovanovic, drejtor i i Fondacioneve të Shoqërisë së Hapur.
Në sallë janë mbledhur afro 600 veta, e përmes artit kërkohet të bëhet një hap para, për integrimin në shoqëri, njëherazi të manifestohet identiteti, trashëgimia e talenti...
“Është një mënyrë për të treguar se pakica rome kërkon të integrohet, në aspekte sociale, apo edhe përmes krijimtarisë artistike. Për të shprehur që edhe pakica rome ka një zë”, thotë Bledar Taho, drejtor i Institutit të Kulturës Rome në Shqipëri.
Ky rrugëtim muzikor, theksoi rolin e pakicës rome, si faktor përbashkues në Ballkanin Perëndimor, duke festuar edhe angazhimin e vazhdueshëm të Fondacioneve të Shoqërisë së Hapur (OFS) për evidentimin e këtyre vlerave.
Komente
shukarie kurafti shorbit mongo çibufti?
Përgjigju