Shqipëria e 21-vjeçarëve do të luajë me 25 dhe 28 mars dy ndeshje vendimtare për kualifikueset e Europianit përballë Republikës Çeke dhe Anglisë. Fillimisht përballë do jenë çekët të cilët në ndeshjen e parë fituan thellë me shifrat 4-0.
“Mendoj që këto dy takime për ne janë deçizive derisa matematika ne na e lejon që të kapim vendin e dytë. Ne do shpresojmë dhe do sakrifikojmë për t’i bërë izmetin deri në fund. Sidomos ndeshjen e parë me Çekinë për ta fituar,”-u shpreh Alban Bushi, trajner i kombëtares U-21
Në listën e Alban Bushit këtë herë ranë në sy 11 lojtarët e thërritur nga Superliga shqiptare.
“Kampionati në gjithë këto vite ka patur shumë vite. Edhe herët e tjera kemi marrë lojtarë nga Superliga, por jo kaq shumë sa këtë rradhë. Kemi marrë disa lojtarë të datëlindjes 2002’ dhe 2003’ që ti kemi edhe për sezonin e ardhshëm pavarësisht se këto dy ndeshje janë shumë të rëndësishme, por ne mendojmë edhe për sezonin që na vjen,”-deklaroi Alban Bushi, trajner i kombëtares U-21.
Republika Çeke që Shqipëria luan me 25 mars dhe Anglia me 28, po në stadiumin ‘Elbasan Arena’, renditen në vendin e parë dhe të dytë, ndërsa kuqezinjtë në të tretin, por kanë më shumë ndeshje se kundërshtarët.
Komente
