Për një hapësirë të gjelbëruar, në rreshtin e parë pak metra nga bregu i liqenit të Pogradecit dhe vetëm pak metra nga zona e mbrojtur e Parkut të Drilonit, Fatmir Bektashi, i pandehur për korrupsion aktiv në betonizimin e ish kompleksit Partizani, vijon të reklamojë në faqet e kompanisë së tij Kontakt shitje apartamentesh. Efekt reklame në faqe
Report Tv filmoi në vendin ku paralajmërohet ndërtimi por që nuk shikohet asnjë shenjë punimesh, ndërkohë që u interesua në Bashkinë e Pogradecit, ndërsa vetë drejtuesit e pushtetit vendor thonë se nuk dinë asgjë për këtë projekt.
I pyetur në këshillin bashkiak për betonizimin e planifikuar të kompanisë Kontakt, nënkryetari i Bashkisë së Pogradecit, Paskalino Ziko tha se Parku i Drilonit është kompetence e Këshillit Kombëtar të Territorit, ndërsa vetë bashkia nuk ka asnjë informacion zyrtar për një vendim për ndërtime.
“Ne kemi parë vetëm projekte në rrjetet sociale dhe s’mund të diskutojmë mbi to, se nuk e dimë nëse do miratohen”, ka thënë ai.
Në parlamentin lokal të Pogradecit debatet kanë qenë të forta për këtë zhvillim që rrezikon perlën e qytetit juglindor.
Këshilltarë, aktivistë por edhe ekspert kanë kundërshtuar ndërtimin e pallateve. Është kërkuar që këshilli bashkiak i Pogradecit të kërkojë informacion nga institucionet përgjegjëse dhe të ndikojë që vendimmarrje të mos realizohet.
“Ndërtimet në breg të liqenit dhe në parkun e Drilonit cenojnë statusin që zona ka në UNESCO”, tha Arbër Male, anëtar i Këshillit Bashkiak
Kompania “Kontakt” e Fatmir Bektashit, ortak i dhëndrit të Berishës Jamarbër Malltezi, ka projektuar një kompleks me pallate deri 12-katëshe në parkun e Drilonit në Pogradec.
Por ende ka shumë pikëpyetje se çfarë po ndodh me Drilonin. A ka kaluar projekti në KKT? A janë pyetur Zonat e Mbrojtura për këtë projekt? Pse po shet Fatmir Bektashi kur askush nuk ka informacion për betonizim dhe nuk ka nisur asnjë ndërtim? Të gjitha këto pyetje nuk kanë ende një përgjigje nga autoritetet.
Natyrisht, projekti ndërtimor nuk ka marrë asnjë kritikë as nga Partia Demokratike e Sali Berishës, i cili, siç është në zakonin e tij, kundërshton vetëm veprat ndërtimore të realizuara nga kundërshtarët politikë. Ato të aleatëve të tij, apo madje edhe të ortakëve familjarë, siç është rasti i Fatmir Bektashit, përkundrazi mirëpriten, edhe kur rrezikojnë një park natyror.
Komente
Sa të pa ngopur paskan qen hajdutët me veshje politike mos i gezofshin pasuritë egrabitura
PërgjigjuPse nuk fillojne investigimet per kete person qe kur u caktua drejtues i Rajonit nr.2 ne Tirane ne vitin 92. Kur beri namin me "ndarjen" e trojeve tek Fusha e Aviacionit dhe tek Serat e Selites dhe V. Shantos.Si u be ky k/ inxhinier i Uzines Traktori, kur nuk ishte inxhinier i profilit teknolog, por per kaldaja, kur ne ate kohe profilet shikoheshin me skrupullcitet dhe me teper korrektesi. Kush institucion " nderhyri" per vendosjen e tij?!! Pse Qorri pati ngritje vertikale tek Pd?!.
PërgjigjuCFARE SHTETI....
Përgjigju