TIRANË- Kreu i Ballit Kombëtar, Adriatik Alimadhi, është shoqëruar mbrëmjen e djeshme nga Policia e Tiranës, pasi ka kundërshtuar efektivët gjatë një kontrolli për ushtrimin e lojërave të fatit në lokalin e vëllait në rrugën e Dibrës. Në një video të ndarë nga eksponentë të PD, dallohet edhe momenti i shoqërimit të Alimadhit, i cili është edhe aleati i Berishës në zgjedhjet e 11 majit.
Policia sqaron se në momentin kur do ushtronin kontroll, Alimadhi ka kundërshtuar verbalisht dhe fizikisht efektivët dhe ka tentuar të largohet nga ambienti, pavarësisht urdhrit për të qëndruar në vendin ku ndodhej, deri në përfundim të procedurës. Alimadhi është vënë në hetim në gjendje të lirë për veprën penale “Kundërshtim i punonjësit të rendit publik” dhe AMP ka nisur verifikimet pas pamjeve që janë ndarë në rrjet, ku eksponentët e PD pretendojnë se Alimadhi u dhunua.
“Specialistët për Hetimin e Krimeve në Komisariatin e Policisë Nr. 4 referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe nisën procedimin penal në gjendje të lirë për shtetasin A. A., 61 vjeç, i dyshuar për veprën penale “Kundërshtim i punonjësit të rendit publik”.
Ky shtetas dyshohet se, gjatë një kontrolli të ushtruar nga shërbimet e Policisë në një lokal në rrugën e “Dibrës”, me qëllim verifikimin e informacionit se në këtë ambient ushtrohej veprimtaria e paligjshme e lojërave të fatit dhe basteve sportive, ka refuzuar të zbatojë urdhrat e punonjësve të Policisë, duke i kundërshtuar verbalisht dhe fizikisht dhe ka tentuar të largohet nga ambienti, pavarësisht kërkesës për të qëndruar në vendin ku ndodhej, deri në përfundim të procedurës.
Në lidhje me këtë rast, Drejtoria Rajonale e Agjencisë së Mbikëqyrjes Policore Tiranë ka nisur veprimet verifikuese, bazuar në pamjet filmike të publikuara në rrjete sociale dhe pretendimet e paraqitura nga shtetasi në fjalë”, njofton policia e Tiranës.
Për rastin, ka pasur një reagim publik edhe Alimadhi, i cili pretendon se policia e ka tërhequr zvarrë dhe e ka qëlluar me grushte.
“Dje rreth orës 19 të mbrëmjes si zakonisht mbërrita te kafja e vëllait, në tavolinën tonë që ulemi me vëllezërit dhe me një mikun tonë të përditshëm duke bërë planet tona për fushatën zgjedhore për ditët në vazhdim. Pas pak u futën një apo dy persona dhe shkuan drejt banakut në këto momente vëllai shkon për t’ju shërbyer.
Unë bëj për të dalë jashtë, por një polic po më pengonte dhe nuk më lejonte të dilja. I them të lutem se më duhet të dalë jashtë dhe mendova se ishin punonjësit e policisë së komisariatit Nr.4 dhe se po bënin shaka me mua duke qenë se më njohin dhe takohemi çdo ditë aty.Në këto momente vjen një polic tjetër i cili ulëret dhe flet me një fjalor rruge. Bërtiste ‘futu brënda, telefonin shpejt këtu’. I them se nuk keni të drejtë të ma merrni telefononin.
I fola mos u sillni kështu, e nëse jeni policia e shtetit, identifikohuni, na jepni urdhërin, plan masash për kontrollin në lokalin e vëllait, bëni thirrje policia e shtetit dhe ne zbatojmë urdhrat tuaja, shtrihemi barkas apo pas murit si ju të keni detyrat dhe zbatimin e ligjit. Ata vazhduan me të tyren duke bërtitur dhe kërcënuar luani lloto e të tjera… por kjo u kuptua që ishte një provokim i rëndomtë dhe një sjellje jo e denjë e personave që thoshin se jemi punonjës policie.
Në debat e sipër kur ne kërkonim të silleshin jo vulgar por si punonjës të policisë së shtetit dhe të identifikoheshin ata vazhdonin të silleshin brutal. Ashtu siç e keni parë edhe nëpërmjet pamjeve filmike më kanë tërhequr zvarrë duke më vendosur duart mbrapa kokës duke më goditur me grushta sikur të isha kriminel dhe duke kryer krim në kushtet e flagrancës.
Më hipin me dhunë në furgonin e policisë duke ushtruar dhunë, duke bërtitur, duke më kërcënuar dhe provokuar që unë të bija pre e provokimeve, po shyqyr që mbajta veten e lus Zotin.
Në këto momente brenda furgonit të policisë mbeti vetëm një punonjës policie, i cili vetëm i tillë nuk ishte por patronazhist i thekur, i një bande hajdutësh qeverisëse duke më sharë me robtë e shtëpisë ‘pusho se do të shkër*** robtë e shtëpisë’. Këto fjalë të përsëritura disa herë, ai vazhdonte me grushtat në gjoks duke më shtrënguar fortë dhe më thoshte pusho ku*** e m*** se do të shkër*** robtë e shtëpisë e vazhdonte…’ .
Ky ishte një moment që polici ka kërkuar të regjistronte fjalët e mija, për këtë kërkoj regjistrimet, por besoj se i kanë zhdukur sepse personalisht e kam kalur sjelljen dhe durimin ndaj provokimit të tij.
Në këto momente i bëra të ditur se jam kryetar i Ballit Kombëtar mos më godit, mos ushtro dhunë dhe mos më kërcëno, mos më bërtit, mos më shaj nga robtë e shtëpisë sillu si punonjës policise, i bëra të ditur se kam qënë deputet e më mirë të mos i kisha thënë kështu ai vazhdoj uliganizmat e tij, i thashë mos të vriten sytë se jam kryetar i Ballit Kombëtar, e ai nuk donte t’ja dinte. Për atë punë kishin ardhur, por dështuan, më thoshte eh mor xhaxh je i vjetër se të ishe i ri e dija unë se cfarë do të bëja ku*** e m***.
Në këto momente hipin në furgonin e policisë edhe policët e tjerë. Në rrugëtim e sipër drejtë shkollës së bashkuar më ndaluan furgonin disa herë dhe më thoshin zbrit dhe ik në shtëpi. Ju bëra me dije se nuk zbres, më çoni atje ku më morët sepse njerzit më njohin dhe se nuk kam bërë asnjë faj apo shkelje ligji.
Pasi ju kërkova këtë ata duke bërtitur më thanë ta tregojmë ne se bëjmë raport shërbimi dhe na ke kundërshtuar dhe goditur dhe të fusim si qeni ne burg, me ne do kruhesh ti… .
Gjatë bisedave e sipër punonjësi civil foli në telefon me eprorët e vet dhe i tha ‘kemi planë masash dhe urdhër gati sepse na duhet na u krijua një situatë jo e mirë…’ .
Më vonë më çuan në komisariatin Nr.4 dhe më lanë aty, rreth orës 01 e 30 minuta vijnë dy punonjës të Autoritetit të Mbikqyrjes së Policisë dhe u prezantuan si të tillë.
Më morën kallzimin dhe u larguan më vonë më thanë vazhdo je i lirë rreth orës 3 ndaj mëngjesit.
E lexova komunikatën e policisë, ndjej keqardhje, si mundet të shpifin për personin tim, nuk kam lozur kurrrëëë lloto, nuk di sesi luhet, por as në lokalin e tim vëllait nuk u kostatua kjo.
Drejtësia do jepet një ditë, me padurim po e presim”, thuhet në reagim.
Komente
E disata herë që shoqërohet në policii për kundërshtim të tyre. Nuk vure mend ??!!! Ta mendosh që ke qenë zv. Ministër është turp që kemi paguar taksa për Ty. Dhe tani që duhet të ishe në fushatë, prapë fshatar i trashë ke ngel.
PërgjigjuJu lumt dora.ishalla sju shet shefi Si gjithmon
PërgjigjuTe uroj tja bejn babs tend
Ky Adriatik Alimadhi si ish oficer dhe gardist Shume dobet e tregove vehten, te moren zvarre 2 police te ndershem Po ne fakt shume mire ta bejne o pijanec bythe Se kujtoni se shtypni njerezit me kembe dhe ligjin e pordhosni.. Plera jeni komplet si politike 90 % respekt per njerezit e ndershem dhe me dinjitet.
PërgjigjuKa kudershtu policine..e ka shoqeru me force nuk ka gjo te keqe ketu..mir ja kon ba
PërgjigjuTa hanksha zemren o policia , kshu duhen oficeret Te zbatojne ligjin jo te bejne cicin karshi krimit dhe politikes! Kapeni zvarre per flokesh e per veshesh kedo qe ju ofendon e kundershton ne punen tuaj te lodhshme dhe te rrezikshme Ku pagat jane qesharake dhe stresi eshte ekstrem. Respekt
PërgjigjuKriminel se po pin kafe me shok e spranon te nenshtrohet.