Kunguj të mbushur me oriz dhe mish të grirë
Përbërësit:
- 4-6 kunguj mesatarë
- 200 gr mish i grirë
- 1 filxhan oriz
- 1 qepë e grirë
- 3-4 lugë vaj
- 2 domate ose 3 lugë salcë domate
- 2 thelpinj hudhër (sipas dëshirës)
- Majdanoz, kopër ose nenexhik
- Kripë, piper sipas shijes
Përgatitja:
Lajmë mirë kungujt, presim kapakun sipër dhe me kujdes heqim pjesën e brendshme me një lugë (pa e çarë kungullin). Pjesën e brendshme e grijmë hollë për t'a përdorur në mbushje. Në një tigan skuqim qepën dhe hudhrën me pak vaj. Shtojmë mishin e grirë, kungullin e grirë, domatet, orizin dhe erëzat. E lëmë të gatuhet për 7-10 minuta, derisa masa të lidhet. Shtojmë pak ujë në fund që mbushja të mos jetë shumë e thatë. Mbushim kungujt pa e ngjeshur mbushjen, vendosim kapakët e tyre ose feta domateje. I vendosim kungujt në tenxhere, shtojmë pak vaj, kripë, ujë ose lëng perimesh dhe i lëmë të ziejnë në zjarr të ulët ose mund t'i vendosim në furrë në pjekje në 190°C për 40–45 minuta.
Komente
