Bregu i Fildishtë - Kupa e Afrikës vijon ndeshjet e para në grupe. Për atë D, Burkina Faso mposhti 1-0 Mauritaninë dhe merr vendin e parë. Në stadiumin "de la Paix" në Bouake, ndeshja ishte me disa raste të pastra që në pjesën e parë, e cila u mbyll pa gola.
Vendimtare do ishte minuta e fundit e shtesës, kur një penallti e fituar nga Burkina Faso u kthye në gola nga Bertrand Traore. Sulmuesi i Aston Villas në Premier League nuk gaboi përballë Niasse. I futur në minutën e 73 në lojë, mëngjarashi i dha tri pikët e para të tijve.
Tanimë për grupin D, Burkina Faso me tri pikë mban kreun duke lënë pas Algjerinë dhe Angolën me një pikë, e Mauritaninë me zero pikë. Për grupet e Kupës së Afrikës janë edhe nga dy ndeshje për t'u zhvilluar.
