Në stadiumin ‘Maracana’ të Rio De Janiero-s do të luhet sonte në orën 22:00 finalja e Kupës së Amerikës mes Brazilit dhe Perusë. ‘Seleçao’ shihet si shumë e avantazhuar jo vetëm se luan në shtëpi, por edhe për faktin se në ndeshjet e grupit e mposhti Perunë me shifrat e thella 5-0.
Brazili sonte do të synojë të fitojë për herë të 9 trofeun e Kupës së Amerikës, ndërkohë që 8 herë është mposhtur në finale. Për Perunë kjo është herë e parë që shkon në finale që prej vitit 1975, ndërsa në historinë e saj e ka fituar dy herë kompeticionin.
Edhe statistikat e tjera flasin për Brazilin që ende nuk ka pësuar asnjë gol në Kupën e Amerikës, ndërsa në 4 ndeshjet e fundit të zhvilluara kanë një mestare të realizuari 2.5 gola për ndeshje. Sa i përket formacionit trajneri Tite pritet të rikthejë nga minuta e parë mbrojtësin e majtë Filipe Luis, i cili kundër Argjentinës mungoi për shkak dëmtimi. Në dyshime po për shkak dëmtimi janë Richarlson dhe Fernandinho, për të cilët do të pritet minuta e fundit.
Komente
