Kupa e Italisë, kompeticioni i dytë më i rëndësishëm në futbollin italian zhvilloi të mërkurën tre ndeshjet e radhës për turin e 1/16-ave. Një biletë për më tej siguruan Como, Venezia dhe Parma.
Në 'Ennio Tardini', Parma vendase kaloi me vështirësi Spezian. Koha e rregullt u mbyll 2-2, ndërsa vendasit u treguan më të saktë duke fituar 4-3 nga penalltitë. Golat e ndeshjes për Parmën u shënuan nga Britschgi dhe Pellegrino, ndërsa Spezia shënoi me Aurelio dhe Lapadula.
Verona dhe Venezia barazuan 0-0 gjatë kohës së rregullt, ndërsa miqtë u treguan më të saktë duke fituar 4-5 pas penalltive. Te Verona nga 11 metra gaboi Ebosse.
Në 'Giuseppe Sinigaglia', vendasit e Comos fituan 3-0 kundër Sassuolos me golat e Rodriguez (2x) dhe Douvikas.
Rezultatet:
Parma 2-2 Spezia (fitoi Parma me 11 metërsha)
Verona 0-0 Venezia (Venezia kalon pas penalltive)
Como 3-0 Sassuolo
Ndeshjet e fazës së 1/8-ave:
Bologna - Parma
Lazio - Milan
Juventus - Udinese
Inter - Venezia
Fiorentina - Como
Napoli - Cagliari
Komente
