Kupa e Shqipërisë zhvilloi të mërkurën tre ndeshjet e para çerekfinale, ndërsa ato të kthimit do luhen më 26 shkurt. Sot zhvillohet sfida e vetme e mbetur mes Dinamos dhe Skënderbeut.
AF Elbasani dhe Vllaznia barazuan pa gola mes tyre. Në “Elbasan Arena”, ishte një ndeshje e bukur dhe me raste të shumta, por asnjëra nga skuadrat nuk e gjeti dot golin. Gjithçka ka mbetur e hapur për ndeshjen e kthimit, aty ku do të vendoset edhe skuadra gjysmëfinaliste.
Në Laç vendasit ndalën 0-0 Partizanin, edhe pse kurbinasit luajtën me dhjetë lojtarë për më shumë se 70 minuta pas daljes me karton të kuq të Indrit Prodanit.
Në stadiumin "Adush Muça" të Ballshit, Bylisi vendas u mposht 1-3 nga Egnatia. Serxho Ujka dhe Daniel Uoltlia shënuan në pjesën e parë për rrogozhinasit, teksa Kasa trefishoi gjatë fraksionit të dytë. Për Bylisin goli i Ruçit ishte një shenjë shprese për ndeshjen e kthimit.
Kujtojmë se kjo fazë është me sistemin vajtje-ardhje dhe ndeshjet e kthimit do zhvillohem më 26 shkurt.
Kupa e Shqipërisë, turi çerekfinal - Ndeshjet e para:
E mërkurë, 05 shkurt 2025
13:30 Bylis 1-3 Egnatia
13:30 Laçi 0-0 Partizani
17:00 AF Elbasani 0-0 Vllaznia
E enjte, 06 shkurt 2025
17:00 Dinamo - Skënderbeu
Shënim: Ndeshjet e kthimit zhvillohen më 26 shkurt
Komente
