Mijëra tifozë pushtuan ditën e dielë në mëngjes rrugët e Rio De Janiero në Brazil për të pritur skuadrën e Flamengo-s, e cila të shtunën fitoi Copa Libertadores me rezultatin 2-1 kundër Boca Juniors.
Turma u ekzaltua kur pas disa orësh mbërritën futbollistët me një autobus të hapur, por ajo që do të ndodhte disa çaste më vonë nuk ishte aspak e hijshme. Një grup tifozësh, të veshur me uniformën e ekipit nisën përplasjet me policinë, duke i qëlluar me gurë, shishe birre dhe sende të tjera.
Nga përplasjet pati edhe shumë policë të lënduar, por fatmirësisht çaste më vonë gjithçka u vendos në kontroll. Turma e madhe në qendrën historike të qytetit u mblodh pasi Flamengo kishte 38 vite që nuk fitonte Kupën Libertadoes.
Komento
Komente
