I ftuar në "Now me Erla Mëhillin", Sali Berisha me paturpësinë që e karakterizon në këto raste, tha se nuk e ka njohur kurrë Erzen Breçanin gjatë kohës që ky ka qenë në polici, nuk e ka pasur njeri të afërt..., madje, s'e ka njohur fare.
"Nuk e mohoj që është demokrat dhe mbështetës i opozitës, por unë s'e kam njohur." - tha.
Njeriu që nuk njihte në pushtet baxhanakun e tij që humbi jetën në Gërdec, nuk njeh as 'shefin' e grupit të tij të shoqërimit në opozitë.
Ky njeri ka një problem të madh me të vërtetën, duke qenë një mashtrues i niveleve stratosferike, mohon në mbrëmje atë që ka thënë në mëngjes dhe mohon në drekë atë që ka thënë paradite.
Nuk e ka nga skleroza, por nga e zeza e mbrujtjes së tij.
Ky njeri që s'e ka për gajle të mohojë Breçanin pa iu dridhur qerpiku, pa ju marrë goja, pa ju tharë gurmazi, pa u nxirë, pa u skuqur, imagjino se ç'mund të bëjë me Bardhin, Këlliçin, Salianjin... apo deputetë të tjerë që e ndjekin me këtë synim?!
Ky mosmirënjohës që mohon njerëz kaq të afërt të familjes, njerëz që i kanë qëndruar tërë jetën e tyre besnik dhe e kanë mbrojtur me trupin e tyre, imagjino se çfarë konsiderate, respekti dhe mirënjohjeje mund të ketë për demokratët e thjeshtë?!
Ky hileqar, që për hiletë e tij është gati të mohojë gjithçka veç familjes së tij, tha mbrëmë që për Breçanin, kam lënë ligjin, "jo drejtësinë" - saktësoi (hajde, merre vesh dallimin mes ligjit dhe drejtësisë në psikikën e gënjeshtërt!!!), por nuk iu përgjigj pyetjes së gazetares që pse nuk bën të njëjtën gjë si për Breçanin edhe ndaj rastit të tij dhe të familjes së vet.
Ky i pabesë, që me besën dhe nderin s'e lidh asgjë, që me marrëzinë e tij synon t'i vërë sot flakën Parlamentit, siç u bë dikur shkaktar për t'iu vënë zjarri Shqipërisë, e kritikoi Breçanin se i kishte shpëtuar jetën ("...aq bëri, asgjë më shumë", - tha. Sikur jeta të ishte gjëja më pa vlerë në këtë histori!!!) kur agresori i sëmurë mendor e goditi në bulevard me grusht.
Ky që mohon të gjithë vetëm për të shpëtuar vetveten, e ka humbur dhe surratin, dhe fytyrën, dhe nderin, dhe dinjitetin, duke u shenjuar në histori si një hileqar i keq, duke mos pasur asgjë me atë që kemi menduar dikur se ishte.
Është shndërruar sot në një të kërkuar nga SPAK-u që s'ka asnjë dallim nga bota e mafies dhe e krimit.
Mjerë për ata që e ndjekin dhe i shkojnë nga pas!!!
Sa për Erzen Breçanin të gjithë e dinë afërsinë e tij me Berishën, nderin dhe respektin që ai i ka bërë familjes së tij, angazhimin e madh që ai ka pasur në të dy opozitat dhe në pushtet.
Unë s'e kam njohur nga afër Breçanin, por një simpati nga larg e kam pasur, ndaj shpresoj që ish-oficeri i lartë i RENEA-s, ish-drejtuesi që është përballur shumë herë me botën e rrezikshme të krimit, me ish-ministrin e Brendshëm socialist, që rezultoi i lidhur me botën e krimit, që u shkarkua nga puna për shkak të bindjeve, origjinës dhe profesionalizmit të tij, të arrijë të argumentojë përpara gjykatës pafajësinë e tij! Uroj me zemër!
Sa për Berishën dhe të tjerët, po u sjell në vëmendje Erzen Breçanin në vitin e tmerrshëm 1997, në krye të grupit të shoqërimit të Presidentit të kohës, ku përballë plumbave të kallashnikovit kishte vënë trupin prej mishi e gjaku.
Pa e ditur se njeriu që po i shërbente me nder dhe trimëri, nuk do ta kishte për asgjë ta mohonte paturpësisht, sikur të mos e kishte njohur kurrë.
Komente
Nuk i besohet Namikut. Standarti i tij e kerkon me patjeter "liderin" te haje qofte e pike raki si Rama, Meta, Bam Topi apo "Lal" Eri. Sidomos me "potigarded" apo "shoferet". Edhe une, Maksi, njoh Berishen, edhe Ramen bashke me maskarenjte e zagaret e tjere si ata. E njoh edhe Namikun. Se jane figura te hapura ne publik. Por nuk i njoh personalisht. Cfare karikature sovjetike e realizmit envero-ramisto-bolinost!
Përgjigjucfare politike mund te beje nje person nen hetim?
PërgjigjuNe asnje vend te botes nuk kemi degjuar kurre qe nje ish kryeminister si Berisha te mallkoj dhe te kercenoj kaq hapur cdo dite neper kanale anetaret e partis qe ka perball dhe punojesit e drejtesis shqiptare!Per tu habitur si mundet mediat shqiptare ti japin nje vrasesi te tille kaq shume hapesir!? Mohimi qe u ben ai njerezve te tij te afert nuk eshte asgje per karakterin e tij si kriminel i lindur qe eshte!
PërgjigjuNO COMMENT
Përgjigju