Një 20-vjeçar u arrestua në Kurbin pasi dyshohet se kultivonte bime kanabisi, ndërsa në gjendje të lirë po hetohet edhe kryeplaku i fshatit ku ndodhej parcela me drogë.
20-vjeçari Donald Halili u kap në flagrancë nga policia në parcelën në fshatin Fushë Milot të Kurbinit ku kishte kultivuar 468 rrënjë kanabis. Edhe kryeplaku i fshatit, L.L. 56 vjeç po hetohet për rastin për “shpërdorim detyre”.
Parcela ndodhej në afërsi të banesës së Halilit, zonë me shkurre, ku bimët narkotike të kultivuara aty u asgjësuan më pas nga policia.
Arrestimi u bë i mundur nga Komisariati i Policisë Kurbin, gjatë operacionit policor i koduar "Kamuflimi". Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme.”
