KURBIN - Një ditë pas zjarrit në fabrikën e këpucëve në Shullaz të Kurbinit, ekspertët po punojnë rreth shkaqeve që mund të kenë shkaktuar zjarrin.
Dyshimet janë se zjarri mund te jetë shkaktuar nga një shkëndijë elektrike, ndërsa dëmet e shkaktuara janë të konsiderueshme.
Ndërkohë fikja e zjarrit u bë pas ndërhyrjes së zjarrfikësve të cilëve iu deshën disa orë për të neutralizuar flakët.
Zjarri shkaktoi panik edhe tek banorët përreth, ndërsa situata aktualisht është e normalizuar.
Flaket u shfaqën mbrëmjen e djeshme fillimisht në magazinë ku gjenden materialet prej lëkure dhe vajra, e me pas u përhapën në gjithë ambientet e fabrikës.
Për të shuar flakët punuan për 4 orë zjarrfikësit e Kurbinit, Lezhës, Mirditës e Kamzës. Ata arritën të shmangin rrezikun për banesat dhe objektet e tjera në zonë.
Komente
