Ndërsa Policia e Shtetit, Prokuroria e Përgjithshme, dhe krejt strukturat e tjera të organeve të drejtësisë janë fokusuar në goditjen e madhe ndaj korrupsionit dhe krimit edhe në nivele të larta, duket se i vetmi njeri që nuk “po bindet” akoma mbetet Lulzim Basha. E ndërsa qindra e qindra forca policore, nisiën qysh nga pasditja e të djelës aksionin dhe goditjen e madhe ndaj atyre që shpesh i quajmë “peshqit e mëdhenj”, i vetmi politikan që po bën hasha gjithçka, mbetet kryetari PD aktuale zoti Basha. Ndosha i duket si ëndërr. Edhe pak orë pas kurorëzimit me sukses të aksioneve policore, Lulzim Basha ishte i pari që vazhdonte sërish me avazin e vjetër, duke u marrë jo vetëm me “Vangjushin”, por edhe me Arta Markun dhe Prokurorinë e Krimeve të Rënda, duke akuzuar dhe fyer punën dhe rezultatet e tyre.
Por ajo që ende nuk po kuptohet qartë nga daljet e shpeshta (pas çdo aksioni policor) të kryetarit të PD është fakti se, ai duke u ndalur vetëm tek “Gjushi Durrësit” ka harruar se edhe ish-deputetët dhe ish-drejtuesit e lartë të strukturave të shtetit të dikurshëm dhe atij aktual, janë peshqit e mëdhenj. Edhe ish-ministrat dhe politikanët e çdo krahu zoti Basha, janë peshqit e mëdhenj, duke shpresuar se nga hetimet dhe dosjet voluminoze të hartuara nga Prokuroria e Krimeve të Rënda, shumë shpejt të kemi edhe emra të tillë. Aksioni më i madh policor i nisur pasditen e të djelës së shkuar, tregoi edhe njëherë se Policia e Shtetit dhe organet e hetimit, janë të vendosura të godasin, arrestojnë dhe çojnë pas hekurave çdo kollare të Parlamentit, qeverisë dhe politikës. Sipas burimeve ende të paplota, mësohet se gjatë procesit të gjatë hetimor, gjatë përgjimeve që u janë bërë elementëve të rrezikshëm të grupeve të trafikut të arrestuar, janë përmendur shpesh edhe emra politikanësh.
Kaq do të mjaftonte për t'u bindur se Edi Rama dhe Fatmir Xhafaj, e kanë seriozisht kur deklaruan se “shumë shpejt do të shihin pas hekurave grupe kriminale dhe njerëz të politikës”. Shqiptarët e thjeshtë më tepër se kushdo tjetër, duhet të ndjehen krenarë për momentin, tek shohin forcën e ligjit dhe forcën e shtetit, të mos kursejë as deputetin, as drejtorin, as ministrin dhe as politikanin.
Tashmë Shqipëria ka nisur të përjetojë një epokë të re, epokën e rilindjes së organeve të drejtësisë, epokën e rilindjes së strukturave policore, që më tepër se kurrë ndjehen të vendosura dhe të motivuara në luftën ndaj krimit të çdo niveli qoftë.
E vetmja parti dhe i vetmi kryetar partie që nuk përshëndet dhe nuk motivon qoftë edhe për sy e faqe strukturat policore në Shqipëri, mbetet zoti Basha. Ai mbetet i vendosur në mënyrën e tij të reagimit negativ dhe dyshues ndaj çdo arritje dhe suksesi edhe në fushën e goditjes së korrupsionit dhe grupeve të trafikut.
Por fakti është se deri sot, shumica qeverisëse dhe vetë kryeministri , kanë treguar se nuk stepen dhe nuk kursehen ndaj çdo evidentimi dhe zbulimi , ku faktohen të implikuar në afera korruptive dhe trafiqe të paligjshme kriminale, zyrtarët dhe ligjvënësit e saj. Lufta pa kompromis ndaj krimit dhe korrupsionit, mbetet një prej detyrave më kryesore të shtëpisë nga Brukseli. E pakuptueshme mbetet pozita dhe reagimi i të vetmit politikan opozitar, që edhe kur arrestohen deputetë dhe drejtues të lartë të shtetit shprehet se “janë cironj dhe peshq të mëdhenj”. Edhe kur shkarkohen emra të njohur të PS, sërish shprehet se “janë lojëra fjalësh, nuk e kanë seriozisht”. Vallë ky është formati i politikanit dhe opozitarit, që pretendon se “partinë e tij do ta bëjë më europiane”, tek e dëgjon të merret prej 1 viti e gjysëm vetëm me “Gjushin e Durrësit” dhe Arta Markun?
Po mirë zoti Basha, kur i ditke kush janë “peshqit e mëdhenj” përse nuk i deklaron, përse nuk i denoncon në organet e hetimit, por ama duke mos u marrë vetëm me “peshqit e kuq” por edhe me ata “blu” që padyshim një ditë do të bien edhe ata në rrjetën e çeliktë të Prokurorisë .
A thua futen tek “peshqit e mëdhenj” edhe pasanikët e PD që vërdallisen me makina 150 mijë euroshe, a thua futet tek “peshqit e mëdhenj” edhe një deputet i partisë tënde që dikur deklaronte mes “miqsh” se “unë edhe këpucët i fshij me qindëshe euro”?/Javanews/
Komente
Salihu kamipon,nenbshti Luli, Meta me te shoqen,Mediu, Pollo,Vokshi,Alibeja,Paloka.Ristani e te tjere.
PërgjigjuAJO DIHET NGA TE GJITHE SHQIPETARET QE PESHKAQENI I MADH ESHTE ED RAMA QE I HA TE GJITHE PESHQIT DUKE PERFSHIRE DHE Z LU ARSYJA BEGRAUNT KRIMINAL PPSH DHE PKSH
Përgjigju