Gazetari investigativ i Report Tv, Artan Hoxha tha se dyshimet e policisë janë që paratë e grabitura në aeroportin e Rinasit teksa do të transportoheshin me avion për në Vjenë, mund të jenë fshehur nga autorët shumë pranë zonës së Rinasit.
I ftuar në studio me gazetarin Elton Qyno dhe moderatoren Ina Qirjo, gazetari Hoxha tha se kërkimet e policisë janë në trekëndëshin: Fushë-Krujë, Fushë-Prezë dhe Tapizë e Sipërme.
Duke marrë parasysh vlerën e madhe të parave të grabiturave, rreth 6 milionë euro, dhe zhurmën e madhe të krijuar për grabitjen, autorët dyshohet t'i kenë fshehur paratë pranë tunelit në Tapizë ku dogjën furgonin e dytë me të cilin u arratisën pasi Admir Murataj u vra gjatë shkëmbimit të zjarrit me policinë. Gazetari Artan Hoxha solli në vëmendje edhe një grabitje të kryer nga i njëjti grup në Greqi, kur grabitësit shqiptarë i fshehën paratë dhe i morën ato në Greqi disa muaj më vonë pasi erdhën në Shqipëri.
"Duke qenë se ishte një vlerë e madhe parash, kërkimet e policisë, duke aktivizuar edhe SHISH, janë fokusuar mbi dyshimin që paratë të jenë ende të fshehura, strehuara në zonën afër Rinasit, nga Fushë-Kruja, Fushë-Preza, deri në Tapizë e Sipërme, ku është djegur furgoni tjetër. Ky është trekëndëshi i kërkimeve për sasinë e parave. Për shkak të zhurmës së madhe ka qenë e vështirë për tu transportuar. Edhe kur bënë grabitjen e 1 milionë eurove në Larisa, nuk i sollën menjëherë në Shqipëri, por shkuan muaj më vonë për t'i marrë", tha gazetari i Report Tv, Artan Hoxha.
Kush është shqiptari tjetër i arratisur nga burgu grek që dyshohet për grabitjen në Rinas
Gazetari Artan Hoxha, thotë se policia ka dyshime që pjesë e grupit dhe bashkëpunëtorëve të grabitësve të miliona eurove në aeroportin e Rinasit, të jetë edhe Taulant (Roland) Luli. 33-vjeçari është pjesë e grupit të shqiptarëve që në 22 mars 2013 u arratisën nga burgu i Trikallasë në Greqi, pjesë e të cilit ishin edhe Admir Murataj, i vrarë gjatë shkëmbimit të zjarrit me policinë pas grabitjes në Rinas më 9 prill 2019.
Po ashtu, të arratisur nga drejtësia greke ishin edhe Ilir Kupa dhe Klement Çala, ku i fundit në kërkim nga policia, si i dyshuar për grabitjen në aeroportin e Rinasit, brenda në pistën e avionëve më prill.
Taulant (Roland) Luli është nga fshati Libonik i Korçës, por policia ende nuk ka prova të forta për përfshirjen e tij.
Gazetari Artan Hoxha tha se grupi i grabitësve funksionon si një rrjet i tërë me përfshirje të shumë anëtarëve. Për vite me radhë, nga arratia ata kanë bashkëunuar në aktivitete kriminale, tha Hoxha.
Në mesnatë u arrestua në Qafë-Thanë personi i pestë për grabitjen e Rinasit. Elton Pikli nga Kruja, kasap në këtë qytet, i rritur në një lagje me Dash Kupën, të dënuar për grabitjen e atubolindave me paratë e bankave të nivelit të dytë që transportoheshin për në aeroport dhe që u sulmuan dhe grabitën në Qafë-Kashar.
Operacioni për identifikimin dhe kpajen e të dyshuarve të tjerë në grabitjen e Rinasit është ende në vijim.
Komente
Parate iken por me mire te kerkojne thaset.
PërgjigjuGjynahet e paret stregohen thote populli
PërgjigjuEurot jane ne tunelin 503 pas malit te Krujes ne Qafshtame te groposura ne nje dhome ne krahun e djathte brenda tunelit
PërgjigjuKu 3 di ti ore ... se ku jan leket
shko thuaje ne polici
te bej nje xhiro nga tuneli policija aty jame parate
Përgjigju