Familjarët e Bedries 41 vjeçares e cila humbi jetën më 2 janar 2024 duke konsumuar fotoksinë janë të bindur se vetëvrasja është nxitur nga dhuna që bashkëshorti.
Vëllezërit dhe kushëriri i gruas, nënë e 4 fëmijëve, nuk besojnë se ajo është treguar e dobët nga sulmet në rrjetet sociale, por akuzojnë burrin se e ka shtyrë të vrasë veten pasi e ka dhunuar fizikisht.
Familjarët po mendojnë të kërkojnë zhvarrosjen e trupit të së ndjerës për të faktuar se ajo është dhunuar dhe se ka shenja të dukshme në trupe
“ Në krahun e majtë prapa dhe poshtë krahut. E thonë dhe fëmijët që ka qenë tek morgu e kanë gjetur shenja dhune” thotë Nezir Bushi, kushëriri i viktimës në një intervistë për Report Tv.
Por deri tani policia nuk ka dhënë informacion nëse ka pasur shenja dhune në trup
“Ka pasur shenja dhune. Nuk kishte pse ta pinte helmin nga Tik Toku. Pse nuk e piu para dy vitesh. Unë dyshoj tek dhuna familjare” këmbëngul Nezir Bushi në një intervistë për Report Tv
Ai thotë se fëmijët dy ditë nuk kanë treguar pasi ka qenë varrimi por më pas mbrëmë në polici kanë dhënë dëshminë për dhunën.
“Dy vitet e fundit nuk kanë qenë as keq. Biem në sedër se nuk mund ti themi hajde lëre burrin se ajo kishte fëmijët e rritur. Ajo është ankuar dy herë se nuk shkon mirë por jo në ekstrem. E ka mbajtur në bark (Të fshehtë) Nuk ka dashur të tregojë” vijon dëshminë kushëriri i viktimës.
Madje kushëriri tregon se motra i është ankuar një herë të vëllasë i cili ka thënë Xhemal Lokës të mos ia prekte motrën.
Për Report Tv, kushëriri i gruas së vetëvrarë, thotë se ngjarja e rëndë mund të ishte parandaluar nëse fëmijët do kishin treguar se situata ishte e rëndë në familjen e tyre.
"Ajo do ishte parandaluar, nga vajza dhe djali i madh po të kishin lajmëruar dajat se po ndodh dicka, por ai e ka bërë këtë punë kur kalamajt kanë qenë në gjumë, për të mos kuptuar asgjë. 5 e gjysëm e mëngjesit"
Komente
Ky mostra duhet te ekspozohet para publikut,pozicioni dhe statusi shoqeror dhe lidhjet e tij kriminale me cilindo qe ti kete patur qofshin ne organet ligjzbatuese apo ligjvenese prej nga e ka ndjere veten te sigurt deri ne realizimin e krimit....kete deryre e obligim ka pushteti i katert i demokracise tone hibride....
Përgjigju