Kuvendi nuk miratoi listën e kandidatëve për anëtarë në Këshillin e Lartë Gjyqësor nga radhët e avokatëve, pasi nuk mori votat e kërkuara. Dy kandidaturat që nuk morët votat ishin Artan Reçi dhe Albens Tabaku. Ata u votuan me 61 vota pro, 10 abstenim dhe 2 kundër.
Gjithashtu me 62 vota pro, 4 abstenim dhe 4 kundër nuk u miratua as lista e kandidatëve për anëtarë në Këshillin e Lartë të Prokurorisë nga radhët e avokatëve që përbëhej nga Saimir Kola dhe Erind Mërkuri.
Emrat që u dërguan në Kuvend dhe duhet te merrnin 84 vota.
Më 13 qershor në nënkomisionin e Ligjeve u hodh shorti për përzgjedhjen e kandidatëve për anëtarë të Këshillit të Lartë Gjyqësorë dhe Këshillit të Lartë të Prokurorisë nga radhët e avokatëve të cilët u votuan në seancën e Kuvendit të 27 qershorit.
Procesi i përzgjedhjes së kandidatëve për anëtarë në KLGJ e KLP ka tejkaluar me 6 muaj afatet ligjore dhe ka krijuar kontradikta mes institucioneve të përfshira në procedura, gjë që për ekspertët e shoqërisë civile po cenon standardet e reformës në drejtësi.
Ligjet e tjera të miratuara
Kuvendi miratoi me 73 vota pro dhe 14 kundër pr/rezolutën për vlerësimin e Autoritetit të Komunikimeve Elektronike dhe Postare (AKEP), për vitin 2023.
Me 72 vota pro, 2 abstenim dhe 14 kundër u miratua pr/rezolutën për vlerësimin e Agjencisë së Sigurimit të Depozitave (ASD), për vitin 2023.
Me 73 vota pro dhe 14 kundër u miratua pr/rezolutën për vlerësimin e veprimtarisë së ERE-s gjatë vitit 2023.
Me 73 vota pro dhe 15 kundër u miratua projektligjin “Për disa shtesa dhe ndryshime në ligjin nr. 65/2014, “Për Agjencinë e Inteligjencës dhe Sigurisë së Mbrojtjes”.
Me 87 vota pro dhe 1 abstenim u miratua projektligjin “Për ratifikimin e marrëveshjes ndërqeveritare, ndërmjet Këshillit të Ministrave të Republikës së Shqipërisë dhe qeverisë së Republikës së Francës, për kontributin në zbatimin e projekteve prioritare në Shqipëri”.
Komente
