Faktor i rëndësishëm për humbjen poshtëruese të Kombëtares kundër Skocisë ishte Mërgim Mavraj, kapiteni I cili në minutën e 22-t braktisi “anijën” duke bërë një gjest të pahijshëm e për pasojë duke u ndëshkuar me karton të kuq. Një gjest i cili ka bërë që shumë tifozë, por edhe opinionistë t’i kthehen kundër Mavrajt. Për këtë arsye mbrojtësi ka reaguar me anë të një statusi në “facebook” ku i kërkon falje të gjithëve.
E ndjej të kërkoj publikisht falje për atë moment dobësie. Të gjithë gabojmë dhe këtë herë më ndodhi mua. Për Kombëtaren kam luajtur dhe i dëmtuar madje në situata edhe shumë më të vështira, ndaj ajo që kërkoj është të më kritikoni, sigurisht, por jo të vini në diskutim rrespektin dhe dashurinë për këtë fanellë e këto ngjyra.
Shohim përpara, me bindje se Shqipëria do të kthejë kapitull. Të gjithë bashkë mund tia dalim përsëri, por nëse jemi të ndarë ateherë mund të na mposhtë kushdo. Me rrespekt Mërgim Mavraj #kuqezi #albania”
Kapiteni i Kombëtares, Mërgim Mavraj
Postimi i kapitenit, Mergim Mavraj në rrjetin social "Facebook"
Komente
