Marrëdhëniet Italo-turke u tensionuan dukshëm pas etiketimit të presidentit turk Rexhep Tajip Erdogan një "diktator" nga ana e kryeministrit Italian Mario Draghi, ndërsa kritikonte atë si autoritar për trajtimin që i bëri presidentes të Komisionit Evropian gjatë takimit të martën.
Ursula von der Leyen ishte në Ankara së bashku me shefin e Këshillit Evropian Charles Michel për një takim me Erdogan për të diskutuar marrëdhëniet Turqi-BE.
Pamjet të xhiruara brenda pallatit presidencial treguan të dy burrat të zënë vendet kryesore së bashku ndërsa Von der Leyen u ‘detyrua’ të ulej larg nga burrat në një divan.
I pyetur për incidentin në një konferencë Draghi tha " Jam tejet i pakënaqur nga poshtërimi që Presidentja Von der Leyen përjetoi. Por kur ka të bëjë me këta diktatorë ... duhet të jesh i prerë në shprehjen e ndryshimeve të pikëpamjeve …por gjithashtu i gatshëm për të bashkëpunuar dhe për të siguruar interesat e vendit të vet. "
Ministri i jashtëm turk Mevlüt Çavuşoğlu u përgjigj në Twitter duke thënë "Ne dënojmë me forcë retorikën e papranueshme populiste të Kryeministrit Italian Draghi dhe deklaratat e tij të shëmtuara për Presidentin tonë të zgjedhur nga populli".
Erdogan është përballur me një valë kritikash pas incidentit, veprim i cili erdhi menjëherë pasi ai tërhoqi Turqinë nga Konventa e Stambollit, një traktat ndërkombëtar për parandalimin e dhunës në familje.
Megjithatë Turqia pretendon se respektoi "kërkesat e palës BE" dhe se njësitë e protokollit të të dy palëve punuan së bashku.
Këshilli Evropian lëshoi një deklaratë të Enjten duke pretenduar se shërbimi i tij nuk kishte qenë në gjendje të shihte dhomën e takimeve sepse Turqia e konsideronte atë "shumë afër zyrës së Presidentit ".
Kjo sjellje e tij nuk çuditi një numër eurodeputetësh , por mos reagimi i Charles Michel shkaktoi reagime më shumta. Ai nuk ia ofroi vendin e tij Von der Leyen – presidentes së parë femër të Komisionit Evropian - pavarësisht se të dy ishin në rang të barabartë. Ai tha se ishte "i trishtuar", por nuk kërkoi falje.
Komente
Mbaju Erdogan,mos ki frike,se ke ne krah vella Ramen e Shqiperise!!!
Përgjigju