LEZHË - Policia Rrugore ka arrestuar në flagrancë shtetasin Agim Lalaj, 36 vjeç, banues në Kurbin, pasi ka shkaktuar një aksident në Laç, ku përplasi shtetasen P. P., 69 vjeçe, e cila është dërguar për mjekim në Spitalin e Traumës.
'Sektori i Policisë Rrugore arrestoi në flagrancë shtetasin A. L., 36 vjeç, banues në Kurbin, pasi ditën e djeshme, në Laç, duke drejtuar automjetin, ka përplasur shtetasen P. P., 69 vjeçe, banuese në Laç, e cila po merr mjekim në Spitalin e Traumës.', thotë policia.
Ndërkohë, Seksioni për Hetimin e Krimeve Ekonomike dhe Financiare ka referuar materialet në Prokurori dhe ka nisur procedimin në gjendje të lirë për shtetasin T. P., 61 vjeç, banues në Lezhë, i cili dyshohet se ka aplikuar dy herë për pasaportë biometrike, duke përdorur gjeneralitete të ndryshme.
'Seksioni për Hetimin e Krimeve Ekonomike dhe Financiare referoi materialet në Prokurori, ku nisi procedimi në gjendje të lirë për shtetasin T. P., 61 vjeç, banues në Lezhë, pasi ka aplikuar dy herë për pasaportë biometrike, duke paraqitur gjeneralitete të ndryshme.', vijon më tej njoftimi.
Materialet janë dorëzuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.
Komente
