Sociale

Edhe pas tërmetit Laçi pa rampa për invalidët, s’kanë akses në rrugë e institucione

Në qytetin e Laçit mungesa e rampave e bën të vështirë jetën e përditshme për personat me aftësi të kufizuara. Edhe pse janë bërë ndërhyrje pas tërmetit, kjo kategori mbetet e papërfaqësuar në planifikimin urban.

27 Korrik, 16:02| Përditesimi: 27 Korrik, 17:24

  • Share

Aksesi në infrastrukturë dhe shërbime për personat me aftësi të kufizuara në qytetin e Laçit ka ende mungesa të shumta.

Edhe pse janë kryer disa ndërhyrje si pjesë e programit të rindërtimit pas tërmetit, në rrugët e qytetit nuk janë vendosur rampat. E njëjta gjë dhe pranë institucioneve të shërbimit.

"Me karroca të vogla nuk mund të dalësh. S’ka tabela. Unë jam me motor", thotë Don Ndocaj, përfaqësues i PAK, Kurbin. 

Në këto kushte ata s’mund të lëvizin pa shoqërues. Vështirësitë janë të shumta, thotë kreu i shoqatës dhe shpesh janë të rrezikuar nga automjetet.

Sipas të dhënave zyrtare në Kurbin jetojnë 200 persona me aftësi të kufizuara.

SI.E./E.H/ReportTv.al
Komento

Komente

  • Sondazhi i ditës:

    Si mendoni se po menaxhohet situata me zjarret?