Ish-kryeprokurori i Përgjithshëm, Adriatik Llalla ka depozituar një rekurs në Gjykatën e Lartë për heqjen e sekuestros mbi pasurinë e tij.
Ankimimi është depozituar pak ditë më parë, mëson Report Tv, pas vendimit të Gjykatës së Apelit për të lenë në fuqi vendimin e prokurorisë për të sekuestruar pasurinë e Llallës.
Gjyqtari Idriz Mulkurti ka rrëzuar kërkesën e Llallës për heqjen e sekuestros nga pasuria e tij. Vendimi për sekuestrimin e pasurisë së Llallës u mor më 23 korrik 2018.
Pasuria e Llallës kapte vlerën e rreth 1 miliardë lekëve dhe mes pronave të sekuestruara përfshihen toka, ara, ullishte dhe një apartament në Tiranë.
Ish-kryeprokurori akuzohet për disa vepra penale si “pastrim parash”, “refuzim të deklarimit të pasurisë”, “mosdeklarim”, “fshehje ose deklarimi i rremë i pasurisë”, “Mosdeklarimit të shumave të të hollave ne kufi”, “Pastrimit të produkteve të veprës penale“ dhe “Shpërdorimit të detyrës”.
Çështja kundër Llallës ka nisur nga prokuroria e Durrësit, ndërsa tani po hetohet nga Prokuroria e Krimeve të Rënda. Prokurorët që janë duke administruar këtë hetim janë Besim Hajdarmataj dhe Klodian Braho.
Llalla iu shmang Vettingut
Ish-kryeprokurori ka lenë detyrën në 8 dhjetor 2017, pasi i skadoi mandati dhe në vend të tij u zgjodh kryeprokurorja Arta Marku.
Llalla i shpëtoi procesit të Vettingut, pasi paraqiti dorëheqjen nga sistemi para Komisionit të Pavarur të Kualifikimit. KPK-ja pranoi kërkesën e Llallës duke e nxjerrë nga sistemi dhe duke mos kaluar në Vetting. Komisioneri Publik ankimoi pranë Kolegjit të Posaçëm të Apelimit, vendimin e KPK-së. Në 11 qershor, KPA shqyrtoi kërkesën e Komisionerit Publik, dhe vendosi të linte në fuqi vendimin e KPK-së duke e lënë Llallën jashtë sistemit dhe pa kaluar në Vetting.
Pas largimit të Llallës nga posti i kryeprokurorit, Departamenti i Shtetit ndaloi publikisht hyrjen e Adriatik Llallës dhe familjes së tij në Shtetet e Bashkuara, me argumentin se “ka informacione për përfshirje të tij në raste domethënëse korrupsioni”.
Komente
Ke do kesh avokat o fytyre e urryer Rovenen? Nuk mundet ajo se nuk e lejon ligji, leqe ka halket e saj e shkreta megjithe ate burre qe mbante vetem per letra. Ta kane mberthyer dosjen mire amerikanet o fshatar pa shkolle te mesme dhe me shkolle te larte. Nxirre koken e zgjebosur ku e ke futur apo ke frike nga arrestimi. Ne Rusi do perfundosh po te mbajten ata por dhe aty veshtire. 1 milion euro jane shume pak per ty por avash avash derisa te arrestohesh do ti nxjerrin te gjitha.
PërgjigjuZaganjori ka hik për LSI për vehte.
PërgjigjuKe shpresa se zagarnjorin e ke aty ai te ndihmon se e ke koleg kompromisesh
PërgjigjuE vertete bashke me zagarnjorin ka dhe politiken e gjithe ngjyrave.