Policia greke ka sekuestruar në kufirin greko shqiptar një sasi prej 86 kilogramësh drogë. Droga u kap në një makinë që vinte nga kufiri shqiptar. Në pranga ka rënë Olibion Lena, 34 vjeç nga Lushnja.
Lena e kishte fshehur lëndën narkotike poshtë sediljeve, ku u zbuluan 84 pako me 86 kilogramë e 230 gramë marijuanë.
Droga u kap nga qeni anti-drogë gjatë një kontrolli të hollësishëm. Po ashtu, policia greke ka zbuluar se Lena është i kërkuar në shtetin grek pasi është dënuar me 7 muaj burg dhe 3 mijë euro gjobë në Patra për falsifikim dokumentacioni. Që prej fillimit të këtij viti e deri më sot, në Igumenicë, Korfuz, Lefkadha, Kefalonia, Janine, Athine, Selanik, Arte, Kostur, Grevena, Follorine, Aleksandroupoli, policia greke ka sekuestruar rreth 7.5 ton marijuanë që vinte nga Shqipëria.
Komente
