Shtetet e Bashkuara të Amerikës kanë shkuar një hap përpara në presionin ndaj Qeverisë së Kosovës për heqjen e taksës ndaj mallrave serbe.
Sipas mediave në Kosovë, Ambasadori i SHBA’së, Philip Kosnett, i ka thënë Kryeministrit Kurti se SHBA po shqyrton edhe mundësinë e heqjes së trupave të saj nga Kosova, nëse nuk hiqet taksa ndaj Serbisë.
Muaj më parë ishte spekuluar shumë se amerikanët po shqyrtojnë heqjen e kampit 'Bondsteel' nga Kosova – nëse lidershipi politik i saj vazhdon të mos-bindet ndaj sugjerimeve ndërkombëtare për heqjen e taksës. Por, ky informacion nuk ishte konfirmuar asnjëherë.
Sido që të jetë, ky opsion duket se po shqyrtohet seriozisht.
Po sipas mediave në Kosovë, Philip Kosnett, në takimin e fundit, i ka thënë Albin Kurtit se duhet ta heq taksën menjëherë, ndryshe SHBA do të veprojë.
Ky njëherësh është kërcënimi më i madh që SHBA ka bërë ndaj Kosovës, prej që Qeveria e Kosovës vendosi tarifën 100 përqind për mallrat serbe dhe boshnjake, si përgjigje ndaj fushatës diplomatike agresive të Serbisë në heqjen e njohjeve.
//ReportTv.al![](https://www.report-tv.al/template/img/antipiracynote.jpg)