Lakër e mbushur me qofte me mish të grirë dhe oriz
Përbërësit:
- 1 lakër mesatare
- 450 gr mish i grirë
- 1 kokërr qepë
- 80 gr oriz
- 1-2 thelpinj hudhër
- 1 degë selino
- 3-4 lgj vaj ulliri
- 5 lgj salcë domate
- Hudhër të shtypur
- Spec i kuq pluhur
- Kripë, piper i zi
- Pançetë FIX
Përgatitja:
Marrim një lakër të ngjeshur dhe presim majën si kapak më shumë se gjysma. E boshatisim brenda duke i bërë prerje rrethore me thikë dhe më pas diagonale. Bashkojmë në një tas të madh mishin e grirë, qepën dhe selinonë e grirë imët, vajin e ullirit, orizin, hudhrën, kripën, piperin e zi dhe specin e kuq pluhur. E punojmë mirë brumin dhe realizojmë qofte rrumbullake në madhësi mesatare. I vendosim qoftet në brendësi të lakrës. Ndërkohë përgatisim një salcë duke vendosur në zjarr 5 lugë salcë domate me hudhër të shtypur, kripë, piper dhe erëza aromatizuese sipas dëshirës. E shtojmë salcën tek lakra sipër qofteve, i mbulojmë me pançetë dhe vendosim kapakun e lakrës. E vendosim lakrën e mbushur në një tavë, e mbulojmë me letër pjekje të lagur dhe letër alumini dhe e vendosim në furrë në temperaturën 200 gradë për 90 minuta.
