SHBA lancohet zyrtarisht në hapësirë me një ekuipazh amerikan pas 9 vitesh. Ka qenë SpaceX e Elon Musk në bashkëpunim me NASA-n që kanë ngritur mbrëmjen e sotme në orën 21:22 flamurin amerikan sërish në hapësirë.
Lëshimi i suksesshëm i raketës Falcon 9 nga Qendra Hapësinore Kennedy ka dërguar dy austronautët Robert Behnken dhe Douglas Hurley në Stacionin Ndërkombëtar Hapësinor.
Për shkak të motit të keq nisja e raketës Falcon 9 kishte 50 % mundësi të anulohej, por në 45 minutat e fundit retë u larguan dhe nisja ishte e suksesshme.
Falcon 9 shënon dhe herën e parë që një kompani private si SpaceX të dërgojë në hapësirë astronautë. Ngritja e raketës së sotme ishte tentativa e dytë, kur e para u zhvillua në mërkurën, por u anulua për shkak të motit të keq duke detyruar dy astronautët të dilnin nga kapsula hapësinore.
Ngritja e Falcon 9 u ndoq edhe nga presidenti i SHBA, Donald Trump dhe zv.presidenti Mike Pence.
Presidenti i SHBA, Donald Trump dhe zv.presidenti Mike Pence duke parë ngritjen në hapësirë të Falcon 9
Komente
Me patjeter duhet "lancohet"...sju pelqen "leshohet".
Përgjigju