Tre punonjës të policisë janë plagosur në një aksident rrugor që është shënuar pasditen e të hënës në aksin rrugor "Levan-Tepelenë". Makina e tyre është përplasur nga një automjet tip "Land Rover". Të tre efektivët ndodhen në spital nën kujdesin e mjekëve.
"Rreth orës 16:50, në aksin rrugor "Levan-Tepelenë", në fshatin Frakull e Madhe, automjeti tip "Land Rover" me drejtues shtetasin S. B. është përplasur me automjetin e Policisë tip "Skoda", me drejtues punonjësin e Policisë H. K. Si pasojë e përplasjes janë dëmtuar punonjësit e Policisë H. K., E. Gj. dhe G. S., të cilët ndodhen në spital, në kujdesin e mjekëve", njofton policia.
Grupi hetimor po punon për përcaktimin e shkakut të aksidentit.
Komento
