Formula 1 nis sezonin 2025 më 16 mars me garën e Australisë. Në cirkuitin e Melbourne, skuadrat do provojnë forcat për herë të parë këtë vit, teksa të shumtë janë pretendentët që duan të zbresin nga froni Max Verstappen.
Një ndër ta është edhe piloti i McLaren, Lando Norris. Britaniku do dojë të 'hakmerret' për vendin e dytë në botërorin e vitit të kaluar, kur mori leksione nga Max Verstappen pavarësisht se kishte një makinë më të mirë.
“Tani po analizojmë gjithçka që morëm pas testeve për t’u siguruar që jemi gati për Melburnin. Testet kanë mbaruar dhe mendoj se ishin tre ditë produktive. Provuam shumë gjëra dhe mësuam shumë. Disa gjëra shkuan mirë, disa gjëra ende kanë nevojë për përmirësim, por për këtë është testimi”, shtoi britaniku.
Më tej, Lando Norris tha se makina funksionon në mënyrën më të mirë të mundshme.
“Makina funksionoi shumë mirë, gjë që është një vend i mirë për të filluar. Kemi shumë për të rishikuar përpara Melburnit, por mendoj se do të arrijmë atje në formë të mirë”, tregoi Norris.
Komente
