Përmbyllet ky sezon për Lara Colturin, një 2024-2025 i shkëlqyer me plot 3 podiume në Kupën e Botës dhe “Top 10” në renditjen e përgjithshme në të dyja disiplinat, teknike si në Gjigand (vendi 5-të), ashtu edhe Sllallom (vendi 10-të), por edhe në klasifikimin përmbledhës të të gjitha disiplinave, ku ka marrë vendin e 8-të.
Një ëndërr e bërë realitet për skitë Shqiptare, ku jemi midis më të mirëve të Botës, jo rastësish.
Sa për garën e sotme, në Sun Valley të Amerikës, përmbyllet sezoni me garën e fundit në Sllallom, aty ku Lara u rendit e 11-ta. Kujtojmë që ditën e Martë, në Gjigand, skiatorja Kuq e Zi u rendit e 5-ta.
Një sezon që konfirmoi që Lara dhe Shqipëria janë aty, më të maturuar, me më shumë eksperiencë dhe me më shumë ambicie.
Tashme Lara dhe gjithë ekipi i saj do të shijojnë pushimet e merituara, ndërsa ajo falënderoi të gjithë mbështetësit me një video të fundit pas garës përmbyllëse.
Komente
