Zhvillimet e fundit politike në Greqi, pritet që të ndikojnë edhe në Tiranë. Me largimin e ministrit të Jashtëm Nikoz Kotzias, postin e kryediplomatit e ka marrë vetë kryeministri Tsipras.
Ai do të mbrojë marrëveshjen me Maqedoninë për çështjen e emrit, që kundërshtohet nga opozita në Athinë dhe që u bë shkak për largimin e Kotzias, ndërsa po ashtu edhe bisedimet me Shqipërinë për çështjet e vjetra mes dy vendeve.
Bisedimet mes Shqipërisë dhe Greqisë për kufirin detar dhe çështjet e tjera të vjetra që shqetësojnë dy vendet drejtoheshin nga dy ministrat e Jashtëm Ditmir Bushati dhe Nikoz Kotzias, por tashmë frenat e bisedimeve pritet që t’i marrë në dorë vetë shefi i ekzekutivit grek.
Dy palët janë ende në diskutime, ndërsa Presidenti i Shqipërisë Ilir Meta deklaroi të hënën në mbrëmje në emisionin ‘5 Pyetjet nga Babaramo’ se pakti me Greqinë nuk duhet të kalojë në parlament pa u ngritur gjykata Kushtetuese.
Komente
