Pas ditëve të nxehta me temperatura përvëluese, rajoni i Dibrës është përfshirë këtë të diel nga shiu dhe breshëri. Këto janë pamjet që sjell Report Tv nga aksi rrugor Peshkopi-Bulqizë, ku shihet se rebeshi ka shkaktuar vështirë në lëvizje dhe aksidente rrugore por pa pasoja në njerëz.
Këtë javë që vjen vendi ynë pritet që të ndikohet nga kushte atmosferike të paqëndrueshme si pasojë e tërheqjes së masave ajrore të nxehta me origjinë nga veriu i Afrikës dhe depërtimit të masave ajrore të freskëta e të lagështa me origjinë nga veriu i Europës (pra kalim Fronti).
Sipas, Shërbimi Metereologjik Ushtarak, moti parashikohet me vranësira mesatare e të dendura si dhe kthjellime të herë pas herëshme. Vranësirat priten të shoqërohen me reshje shiu me intensitet të ulët deri në mesatar në formën e shtrengatave afatshkurta shoqëruar hera- herës me shkarkesa elektrike e lokalisht breshër.
Në mesjavë pritet një kthesë e motit ku me kalimin e zonës me presion atmosferik të ulët vendin e saj e zë zona me presion atmosferik të lartë me origjinë nga Anticikloni Afrikan. Përveç stabilitetit atmosferik dhe orëve të plota me diell, presim edhe një rritje graduale të temperaturave.
Era pritet të jetë me drejtim kryesor juglindje – veriperëndim me shpejtësi deri në 8m/sek, ndërsa përgjatë vijës bregdetare, lugina e male kryesisht ditën e hënë në mesditë era fiton shpejtësi 12-16m/sek duke bërë që valëzimi në detet të jetë i forcës 1-3 ballë.
