Reperi i njohur dhe i dashur për publikun, Ledri Vula ka zbuluar nëse do të jetë pjesë e edicionit të tretë të “Big Brother Vip”.
Duke marrë parasysh audiencën, famën dhe ndjekësit e tij Ledri Vula do të ishte padyshim një personazh që do të spikaste në edicionin e tretë të BBV.
Nisur nga kjo reperi është pyetur në një intervistë pikërisht për këtë çështje, përgjigjen e së cilës e dha pa hezituar.Ai tha se ishte konfuz nëse publiku ose banorët do e donin ose jo, e teksa shtoi se ky format televiziv nuk është diçka që i përshtatet me karakterin e tij, ai la të kuptohet se nuk do të marrë pjesë në BBV.
Pjesë nga intervista:
Gazetarja: A mendon me iu bashku Big Brother?
Ledri Vula: Se di, ndoshta do më donin shumë, ose s’do më donin hiç. Të tregoj të drejtën në BB do ta kisha pas të lehtë sepse jam tip introvert, po intrigat, lojërat e fjalët… e kështu, s’jam i tillë.
Kujtojmë se së fundmi Vula organizoi një mbrëmje me miqtë dhe kolegët e tij për promovimin e albumit të ri, “1 G.O.A.T për ty.
Në mesin e shumë miqve, të ftuarve VIP e disa fansave të tij, reperi i shumë hiteve të hip-hopit ka interpretuar live para audiencës disa nga këngët e tij të reja të albumit, të cilat duket se po korrin goxha sukses.
