Kryetari i Bashkisë së Bulqizës, Lefter Alla në një lidhje telefonike për Report Tv tha se në minierën e kromit në Martanesh ka pasur probleme me garzat që ka sjellë dhe asfiksimin e minatorëve. Ai tha se asnjë minator nuk ka mbetur i bllokuar, ndërsa pjesa e çlirimi i gazrave në minierë është pjesë e punës dhe nuk ka të bëjë me kushtet teknike.
"Ka qenë brigada e turnit të parë në minierën e Martaneshit ku brenda duke punuar ka pasur probleme me gazrat dhe të gjithë kanë dalë jashtë, kemi vetëm një person jo mirë, por sipas mjekëve është jashtë rreziku për jetën dhe po dërgohet për në Tiranë. Kanë qenë gazrat që kanë shpërthyen në minierë, dhe këto gazra janë pjesë e punës në minierë dhe nuk ka të bëjë me kushtet teknike, kjo ka ndodhur sot, edhe pse ndodhin rrallë", tha Alla.
Lajmi kryesor:
6 minatorë asfiksohen nga rrjedhja e gazit prej gjeneratorit në minierën e kromit në Martanesh, një në gjendje më të rëndë transportohet me helikopter drejt Tiranës
//ReportTv.al