Agjencia e Trajtimit të Pronave (ATP) njoftoi se dje ka përfunduar procesin e shqyrtimit për 159 kërkesa, të paraqitura nga subjektet përfitues, pronarë të pasurive të paluajtshme, pronë private, të prekura nga ndërtimet informale, që përfitojnë deri më tani kompensimin/shpërblimin në vlerë, në masën 70% të shumës së përgjithshme në të holla, të miratuar me Vendimet përkatëse të Këshillit të Ministrave.
Për 159 kërkesat e mësipërme, për të cilat ka përfunduar procesi i shqyrtimit nga ana e ATP-së, ka rezultuar se dokumentacioni i tyre është në përputhje me kriteret e përcaktuara në Vendimin e Këshillit të Ministrave nr. 383, datë 19.05.2010 "Për përcaktimin e procedurave të shpërndarjes së fondit të kompensimit në vlerë për pronarët e pasurive të paluajtshme, pronë private, që preken nga ndërtimet informale", i ndryshuar.
Kështu, kërkesat e miratuara përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM-të përkatëse. Fondi financiar që shpërndahet nga ATP për këto 159 kërkesa, është në vlerën 178.714.504,65 lekë, shumë e barabartë me 1.44 milionë euro.
Të dhënat në lidhje me pasuritë që kompensohen dhe mbi gjeneralitetet e subjekteve përfitues jepen në listën bashkëlidhur këtij njoftimi. Agjencia e Trajtimit të Pronave (ATP) njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim.
Kliko këtu për listën e plotë me emrat
Komente
U dhjefsha legalizimet dhe pronarllëkun! Ku i gjeti bagëtia pronat? Enveri ua bënte mirë që nuk i jepte fshatarsisë pashaportizim se Ja, për 28 vjet, zbriten nga hauret e tyre dhe i kthyen qytetet në bajga. Asnjë rrespekt nuk ka fshatari per hapsira, lulishte, rrugë etj. Ai nderton ku ti teket! Jo vetëm të pezullohen kompesimet gjoja për legalizimet, por ushtria të dali dhe të hedhi poshtë shemtirllekun që u ndertua këta 28 vjet!
Përgjigju