VELIPOJË-Pesë persona janë arrestuar nga SHÇBA-ja për ndërtimet pa leje në zonë të mbrojtur, mes tyre 2 punonjës policie dhe një inspektor i bashkisë Shkodër për favorizim. Sipas njoftimit, zyrtarët janë arrestuar pas një hetimi disa mujor me metoda pro-aktive ku u zbulua se favorizonin ndërtimet pa leje kundrejt shpërblimit financiar në zona të shpallura të mbrojtura në Velipojë, Shkodër.
Të arrestuarit;
- Përparim Zenuni me detyrë Specialist në Hetimin e Krimeve, në Stacionin e Policisë Velipojë;
- Ruzhdi Bajrakurti me detyrë SPZ, në Stacionin e Policisë Velipojë;
- R.K., me detyrë Inspektor i Policisë Ndërtimore në Bashkinë Shkodër.
Gjithashtu janë ndaluar edhe 2 personat që bënë ndërtimet;
- N.K., 45 vjeç, nga Mali Jushit, Shkodër;
- B.N., 37 vjeç, nga Velipoja.
Këta persona në bashkëpunim me njëri-tjetrin, duke keqpërdorur atributet që u jepte detyra, punonjësit e Policisë dhe ai i IMT-së, dyshohet se kanë lejuar që në zonën e Velipojës (e klasifikuar si “Zonë e mbrojtur”) të kryhen ndërtime pa leje në masë.
Nga veprimet hetimore të kryera, është dokumentuar me prova ligjore veprimtaria e kundraligjshme për funksionarët publik dhe dy shtetasit që kishin bërë ndërtimet. Ndërkohë që edhe në Ksamil është arrestuar një person T.M. 57 vjeç për ndërtim pa leje.
SHÇBA nxit qytetarët të denoncojnë çdo rast abuzimi me detyrën të punonjësve të policisë, duke telefonuar në numrin falas 0800 90 90.
Komente
xjerrne more besen e shkret se sju ka faj tuj punue a ken
PërgjigjuPo ketej nga Saranda kur do filloj te funksionoj shteti,ne zone te mbrojtur po nderton edhe ky MUCOBEGA tek vorrezat,i ka hyre dhe detit me ndertime duke bere dhe mol privat. Cfare ben Policia,INUK dhe Bashkia e Sarandes.Apo perlajne Eurot dhe ndertimi i paligjshem vazhdon.
PërgjigjuAi Mucobega qe permendet ju i ka dhen nje zhvillim lagjes tone qe aty nuk kishte per te ndodhur edhe mbas 30 vitesh,per kete une dhe familja ime i jemi teper mirnjohes.Ne kemi qen nga te paret ne ate lagje dhe aty ka qen nje katastrofe totale po qe ne momentin qe Mucobega investoi ne lagjen tone lagja mori zhvillim te papar me gjelberim me rruge te asfaltuara dhe te gjitha keto fal Mucobegajve .Une nuk mendoj se ata po shkaterojne gje aty pasi gjithcka qe duket eshte vetem permirsimi.
Fiks!
Dërrmojini bajgat në rang republike se per 30 vjet bene masakra te papara mjedisore, DERRMOJINI!
Përgjigju