24 deputetë të Parlamentit Evropian, përfaqësues të të gjitha forcave politike, i kanë kërkuar Këshillit të Bashkimit Evropian që të hapë sa më parë bisedimet me Shqipërinë dhe Bashkimin Evropian. Eurodeputetët thonë se bllokimi rrezikon besueshmërinë e BE në Ballkan. "Ndaloni shtyrjen e mëtejshme të hapjes së negociatave Negociatat e pranimit të fillojnë para fundit të vitit", thuhet në letër.
Kjo kërkesë e eurodeputetëve vjen në prag të takimit të ardhshëm të Ministrave të Çështjeve Evropiane sot. Ata i bëjnë thirrje Këshillit të miratojë kornizat negociuese për Maqedoninë e Veriut dhe Shqipërinë.
Sipas euroedeputetëve Shqipëria gjithashtu meriton të shkojë përpara në rrugën e saj drejt pranimit në BE. Ata renditin përpjekjet e saj gjithëpërfshirëse për të reformuar, në veçanti në sektorin e drejtësisë, gjatë viteve të fundit, si dhe vlerësimin pozitiv të Komisionit. Ata shtojnë se përpjekja është e nevojshme nga Shqipëria në disa fusha, në rrugën e saj për të përmbushur të gjitha kushtet e paraqitura në Konkluzionet e Këshillit.
Duke paralajmëruar se bllokimi aktual në bisedimet e pranimit me Maqedoninë e Veriut dhe Shqipërinë po rrezikon besueshmërinë e Bashkimit Evropian në Ballkanin Perëndimor, ata i bëjnë thirrje Bullgarisë dhe Maqedonisë së Veriut të gjejnë një kompromis mbi çështjet dypalëshe në pritje për të shmangur shtyrjen e procesit të pranimit më tej.
"Bullgaria duhet të miratojë hapjen e konferencës ndërqeveritare me Maqedoninë e Veriut sa më shpejt të jetë e mundur dhe në çdo rast në dhjetor, duke pranuar kështu përpjekjet e vendit në procesin e pranimit në BE. Maqedonia e Veriut, në rolin e saj si një vend i ardhshëm i pranimit, duhet gjithashtu të bëjë çdo përpjekje të mundshme nga ana e saj për të zgjidhur çështjet e pazgjidhura, theksojnë eurodeputetët në deklaratën e tyre", thuhet në letër.
Komiteti për Çështjet e Jashtme në Parlamentin Evropian ka hartuar para pak ditëve një draft raport për zhvillimet e në Shqipëri. Në këtë dokument i vihet një theks i veçantë zgjedhjeve parlamentare të 25 prillit, situata në vend e pandemisë COVID dhe marrëdhëniet me fqinjët.
PE mirëpret orientimin dhe angazhimin e qartë strategjik të Shqipërisë për integrimin evropian, që manifestohen në marrëdhëniet e fqinjësisë së mirë dhe zbatimin e vazhdueshëm të reformave të lidhura me anëtarësimin
Kujtojmë se Komisioni miratoi "paketën e Zgjerimit" në tetor, pritej që Këshilli të shpallte së shpejti datat e konferencave të para ndërqeveritare me Shqipërinë dhe Maqedoninë e Veriut, duke shënuar fillimin zyrtar të negociatave të pranimit.
Megjithatë, në nëntor , qeveria bullgare njoftoi se do të vinte veton në hapjen e bisedimeve të Maqedonisë së Veriut mbi pranimin në BE, duke kërkuar disa ndryshime në kornizën negociuese për Maqedoninë e Veriut.
Këshilli Evropian ra dakord për hapjen e bisedimeve të pranimit me Shqipërinë dhe Maqedoninë e Veriut në Mars 2020.
Deklarata e plotë
Ne, përfaqësuesit e grupimeve politike në Parlamentin Evropian, qëndrojmë pas premtimeve të bëra në Samitin e Selanikut BE-Ballkan Perëndimor në 2003 dhe vazhdojmë të mbështesim të ardhmen evropiane të Ballkanit Perëndimor, e shprehur gjithashtu në rezolutën e Parlamentit Evropian të Tetorit 2019 mbi hapjen e negociatave për anëtarësim me Maqedoninë e Veriut dhe Shqipërinë. Në prag të takimit të ardhshëm të ministrave të çështjeve evropiane, ne nxisim Këshillin të miratojë kornizat negociuese për Maqedoninë e Veriut dhe Shqipërinë dhe të ndalojë më tej shtyrjen e bisedimeve të pranimit në BE. Ngecja aktuale po rrezikon besueshmërinë e Bashkimit në Ballkanin Perëndimor dhe zvogëlon fuqinë transformuese të BE-së dhe ndikimin e saj në rajon. Një BE gjeopolitike që dëshiron të ketë një ndikim pozitiv dhe të drejtpërdrejtë në fqinjësinë e saj duhet të mbajë premtimet e saj. Të dy vendet kanë bërë progres të rëndësishëm në reformat themelore. Të gjithë Shtetet Anëtare duhet të tregojnë vullnet të qartë politik dhe angazhim për të ardhmen evropiane të Ballkanit Perëndimor. Një e ardhme e përbashkët është në interesin e të gjithëve.
Në veçanti, ne i bëjmë thirrje Bullgarisë dhe Maqedonisë së Veriut të gjejnë një kompromis mbi çështjet pezull dypalëshe në mënyrë që të mos vonojë më tej procesi i anëtarësimit. Bullgaria dhe Maqedonia e Veriut duhet të marrin çdo ndihmë në dispozicion - përfshirë ndërmjetësimin dhe ekspertizën e jashtme nëse e dëshirojnë - për të zgjidhur çështjen. Në mënyrë që të pranojë përpjekjet e vendit në procesin e pranimit në BE, Bullgaria duhet të miratojë mbajtjen e konferencës ndërqeveritare (IGC) me Maqedoninë e Veriut sa më shpejt të jetë e mundur, por në çdo rast, gjithsesi në dhjetor. Maqedonia e Veriut, në rolin e saj si një vend anëtar i ardhshëm, duhet gjithashtu të bëjë çdo përpjekje të mundshme nga ana e saj për të zgjidhur çështjet e diskutueshme. Ne mirëpresim orientimin pro-BE të qytetarëve të Maqedonisë së Veriut, durimi dhe besimi i të cilëve në të ardhmen evropiane të vendit të tyre, të shprehur në referendumin 2018 për Marrëveshjen e Prespës, duhet të shpërblehet me angazhime të vazhdueshme nga ana e BE-së. Sidoqoftë, ne jemi të shqetësuar nga përdorimi në rritje i retorikës nacionaliste nga disa aktorë politikë në të dy vendet. Marrëveshja e Prespës me Greqinë dhe Traktati për Miqësinë, Fqinjësinë e Mirë dhe Bashkëpunimin me Bullgarinë ishin historike dhe zbatimi i tyre mbetet vendimtar. Të gjitha palët duhet të vazhdojnë një dialog konstruktiv të bazuar në marrëdhëniet e fqinjësisë së mirë, përfshirë duke marrë parasysh hapat e mëtejshëm në formën e udhërrëfyesve.
Në të njëjtën kohë, Shqipëria gjithashtu meriton të ecë përpara në rrugën e saj drejt anëtarësimit në BE, duke pasur parasysh përpjekjet gjithëpërfshirëse për reformat gjatë viteve të fundit, në veçanti në sektorin e drejtësisë, dhe vlerësimin pozitiv të Komisionit për to. Nevojitet përpjekje nga Shqipëria në disa fusha, në rrugën e tyre për të përmbushur të gjitha kushtet e paraqitura në Konkluzionet e Këshillit. Përpjekjet gjithashtu duhet të bëhen nga disa Shtete Anëtare, të cilat aktualisht po manifestojnë dyshime për t'i dhënë Shqipërisë dritën jeshile për të hapur Konferencën e Parë Ndërqeveritare, duke punuar me Shqipërinë në adresimin e shqetësimeve të tyre. Përpjekjet kryesore transformuese dhe reformuese do të duhet të ndodhin gjatë negociatave aktuale të zgjerimit.
Ne i nxisim të gjitha palët e përfshira për të gjetur një zgjidhje në takimin e ardhshëm të Këshillit për të siguruar që negociatat e pranimit do të fillojnë para fundit të vitit.
Vladimír Bilčík, PPE Raportuesi për Serbinë, Kryetari i Delegacionit të SAPC të BE-Malit të Zi
Reinhard Bütikofer, Të Gjelbrit/ Koordinatori i EFA AFET
Andor Deli, PPE Raportuesi hije për Malin e Zi
Tanja Fajon, S&D Raportuesi hije për Maqedoninë e Veriut
Michael Gahler, Koordinator për Grupin PPE në Komisionin e Punëve të Jashtme
Kinga Gál, Raportuesi hije i PPE për Raportin mbi Rekomandimin për Ballkanin Perëndimor, pas takimit të nivelit të lartë në 2020
Sandra Kalniete, Kryetar i Grupit Punues së PPE për Politikat e Jashtme
Ilhan Kyuchyuk, Raportuesi i përhershëm i PE për Maqedoninë e Veriut, zëvendësues i AFET për Evropën, koordinatori
David Lega, Raportuesi hije i PPE për Shqipërinë
Lukas Mandl, Raportuesi hije i PPE për Kosovën
David McAllister, Kryetari i Komisionit për Punë të Jashtme
Tonino Picula, Koordinatori i S&D për AFET / Kryesuesi i Grupit të Punës së AFET për Ballkanin Perëndimor
Kati Piri, Nënkryetari i Grupit S&D për Çështjet e Jashtme
Paulo Rangel, Raportues për Bosnjë dhe Hercegovinën
Christian Sagartz, Raportuesi hije i PPE për Maqedoninë e Veriut
Isabel Santos, Raportuesja e Shqipërisë, S&D
Andreas Schieder, Kryetari i Delegacionit të Maqedonisë së Veriut, S&D
Michal Simecka, Rinovo Evropën Zëvendës President, raportues hije për Shqipërinë
Tineke Strik, Të Gjelbrit / EFA hije për Maqedoninë e Veriut
Hilde Vautmans, Rinovo Evropën, koordinator i AFET
Viola von Cramon-Taubadel, Të Gjelbrit / EFA hije mbi Ballkanin Perëndimor
Thomas Waitz, Të Gjelbrit / EFA hije për Shqipërinë
Marion Walsmann, Nënkryetari i JPC të BE-Maqedonisë së Veriut, Anëtar i Dialogut Jean Monnet
Željana Zovko, Nënkryetar për Komisionin për Punë të Jashtme, Zv-koordinator për Grupin PPE në Komisionin për Punë të Jashtme
Letra e 24 eurodeputetëve
Ambasadori i Bashkimit Evropian në Shqipëri, Luigi Soreca, ka reaguar pas publikimit të letrës që 24 eurodeputetë drejtuar ministrave të Jashtëm të Bashkimit Evropian për të mos vonuar çeljen e negociatave me Shqipërinë dhe Maqedoninë e Veriut.
"Deklaratë e rëndësishme e përbashkët nga përfaqësuesit e grupeve politike në Këshillin e Evropës mbi negociatat e pranimit me Shqipërinë dhe Maqedoninë e Veriut", shkruan Soreca.
Komente
Kush i don hajnate e fukarate, BE don shtete me llan e jo mete marr.
PërgjigjuIntelektual me inegritet eshte vec Flamur Noka. Ai ka me cue Shqipnin ne Evropi. Edvin Mafia eshte vrases hajdut
PërgjigjuEdi Rama e meriton 100% dhe 4 vjet drejtimin e Shqipris që Shqipria të heci në rrugën e duhur. Nje njeri që duhesh respektuar e duhesh dëgjuar. Je njeri me horizont të lart. Është normale ti vjen nga familje e lart intelektuale mamaja jote e ndjer Aneta kishte sdudjuar në Warshav babai Artist me një fjal komplet familja intelektual. Jo si bastardi salhe wë vjen nga familje komplet analfabet anadollak e i gjithi ky psikopat me emrin salhe e bëri shqiprin hale. Ti i duhesh Shqipëris e Shqiptarët të vlersoin se jan popull inteligjent. Hajde Edi vazhdo e udhëhiq e ke hallall o trim me flet.
PërgjigjuEdi Rama njeriu më intelektual i Shqipris me kultur të lart me 5 gjuh të huaja që i flet prefekt. Njeri me horizont me zgjuarsi e me urtësi. Njeriu i duhur që i duhet Shqipris në kto momente. Shikoni i dashur popull Shqiptar ngrihen euro deputet të nacjonaliteteve të ndryshme e lobojn për Shqiprin që drejzon Edi Rama. Kta euro deputet jan dipllomat të kalibrit botror nuk të ndihmojn kot kta pa të johur pra Edi Rama vlersohet nga Bota. Hec Edi hec si i duhesh Shqipris halle madhe.
PërgjigjuGjigandi Edi Rama djal tirone ti po e udhëheq Shqiprin drejt suksesit me urtësin e me zgjuarsin tënde. Ti hec përpara se i duhesh popullit Shqiptar. Qent e partis wc pd le të lefin hum hum hum e të han një cop tum. Ata po plasin ngs marazi se e shikojn që skan shanc me ty të konkuroin. Hec GJIGANDI i Shqipris se ti je njeriu i duhur për Shqiprin e Shqiptarët përpara Ed djali boja kosh lylit llosh.
Përgjigju