Për letrën që fqinja e Lefter Zhidrus i ka dërguar drejtorit të përgjithshëm të policisë, Ardi Veliu ku i ankohej për 71-vjeçarin ka pasur një reagim zyrtar nga Policia e Shtetit.
Ajo konfirmon dërgimin e letrës më datë 4 maj 2020 ku zonja raportoi konfliktin. Gjithashtu në reagimin e autoriteteve shkruhet se të dy palët që kanë qenë në konflikt janë thirrur por që prej asaj date nuk ka pasur më asnjë ankesë.
Sipas policisë, mes këtyre dy familjeve kishte dhe një proces civil në Gjykatën e Apelit.
Report Tv ka zbardhur letrën që fqinja i ka dërguar drejtorit të Përgjithshëm, Ardi Veliu ku i ankohej për 71-vjeçarin. Ajo e denoncon 71-vjeçarin, duke zbuluar edhe një detaj që gjatë kohës së karantinës, Zhidru shqetësonte policinë duke e marrë herë pas here në celular.
Në letër thuhet se ky shqetësim i është adresuar policisë së Elbasanit, por përgjigja e tyre ishte "është budalla", prandaj fqinji ka zgjedhur që t'i drejtohet drejtorit të Përgjithshëm të Policisë, Ardi Veliu.
Reagimi i plotë:
Në lidhje me lajmin e publikuar në disa media se një shtetase nga lagjja "11 Nëntori", Elbasan, i ka dërguar e-mail Drejtorit të Përgjithshëm të Policisë së Shtetit, për t’i kërkuar ndihmë për një konflikt që kishte me shtetasin Lefter Zhidru, sqarojmë opinionin publik se:
Më datë 04.05.2020, në adresën zyrtare të e-mail-it [email protected], është dërguar e-mail nga zonja, e cila ka raportuar konfliktin që kishte me këtë shtetas.
Me urdhër të Drejtorit të Përgjithshëm të Policisë së Shtetit, ankesa i është përcjellë menjëherë po atë ditë strukturave përkatëse.
Këto struktura kanë verifikuar dhe trajtuar problematikën, duke kryer veprimet e nevojshme, mbi bazën e procedurave standarde të punës.
Janë thirrur dhe kontaktuar palët e përfshira në konflikt dhe prej asaj date nuk ka patur më asnjë ankesë në polici. Mes këtyre dy familjeve kishte dhe një proces civil në Gjykatën e Apelit.
Policia e Shtetit fton çdo media ta kontaktojë zyrtarisht, për të shmangur informacionet e pasakta, si dhe qytetarët të denoncojnë çdo paligjshmëri, duke iu garantuar reagim me shpejtësi dhe profesionalizëm.
Komente
PO c'tu desh o lefter lefteri me arme ne qytet,,,ne fshat mund te toleronin ....
PërgjigjuPi si skeni turp e dilni thoni qe eshte trajtuar si rast, kur problematika nuk eshte zgjidhur! Ky eshte maskaralleku me i madh i policise qe e klasifikon te trajtuar nje ankese edhe pse nuk i ka dhene zgjidhje ankeses, mjafton qe ka kontaktuar palet dhe e quan "Trajtuar"! Ju jeni te gjithe per burg, maskarenj!
Përgjigju