Ndryshimet klimatike po sjellin pasoja të ndjeshme në rajonin e Lezhës, ku peizazhi natyror është ndër më të rrezikuarit. Ky shqetësim është ngritur nga specialisti i pyjeve, Zef Imeraj, i cili thekson se dëmet janë në rritje nga viti në vit, veçanërisht në sektorin e ekonomive pyjore.
Ndryshimet e temperaturave, thatësirat e zgjatura dhe stuhitë intensive po ndikojnë ndjeshëm në ekosistemet pyjore, duke rritur rrezikun e degradimit të mjedisit dhe humbjen e biodiversitetit.
Imeraj bën thirrje për një angazhim të menjëhershëm dhe të koordinuar të të gjitha strukturave përgjegjëse për të minimizuar pasojat afatgjata.
Rajoni i Lezhës, i njohur për pasuritë natyrore dhe biodiversitetin e pasur, përballet me një sfidë serioze që kërkon vëmendje të shtuar dhe veprim të shpejtë për të parandaluar dëme të parikuperueshme në të ardhmen.
Komente
