Lezhe - Aris Mema është emëruar drejtor i agjencisë shtetërore të Kadastrës në Lezhë. Ai u rikthye në këtë detyrë që e ka mbajtur edhe më parë, duke zëvendësuar në këtë post Gentjan Malotën i cili u dorëhoq nga detyra pak muaj më parë.
Malota u vu më herët nën hetim për shpërdorim detyre në lidhje me legalizimin e kateve shtesë të një pallati të ndërtuar pa leje në zonën e Kunes në Shëngjin.
Gentian Malotaj dhe ish përgjegjësi i legalizimeve Artur Shabaku u pezulluan nga detyra në shkurt 2024 dhe ndaj tyre ka nisur një hetim nga Prokuroria e Lezhës për veprën penale “Shpërdorim Detyre”.
Të dy ish zyrtarët e Kadastrës akuzohen se kanë legalizuar një pallat në zonën e Kunës në Shëngjin duke shkelur ligjin, pasi kompania ndërtuese Rozafa A kishte ndërtuar 4 kate pa leje.
Më pas të dy zyrtarët u rikthyen në detyrë nga gjykata e Apelit.
