Një trup i dekompozuar u gjet mëngjesin e së enjtes në trafikndaresen e autostrades Milot-Thumanë, pranë fshatit Shullaz të Kurbinit. Viktima u pikas rreth orës 08:50, nga punonjësit e mirëmbajtjes së rruges të cilët sinjalizuan menjëhere policinë.
Nga verifikimet paraprake të bluve dyshohet se është trupi i E. N., 49 vjeç, banues në Laç, ndërsa mendohet se ai ka humbur jetën disa muaj më parë, si pasojë e një aksidenti rrugor.
Trupi i dekompozuar është dërguar për ekspertizë mjeko-ligjore në morgun e Spitalit të Laçit, ndërsa vijojnë hetimet në lidhje me rastin.
Sipas të dhënave 49-vjeçari rezulton të jetë person me precedent të penale për vjedhje dhe dhunë në familje, ndërsa nuk rezulton i denoncuar ne polici, si person i humbur.
Blutë kanë dyshime se mund të jetë i njëjti person që më 15 tetor të 2024 pas një tentative për vjedhjen e një motori u denoncua nga pronari dhe gjatë largimit u aksidentua në aksin rrugor shumë pranë vendit ku u gjet i pajetë dhe pavarësisht kërkimeve në atë kohë nuk u arrit të gjendej nga policia.
Foto: Vendi ku gjet trupi i pajetë
Komente
