Një aksident ka ndodhur pasditen e sotme (11 Dhjetor) në Lezhë, ku mbeti i plagosur një i moshuar këmbësor.
Ngjarja u shënua rreth orës 14:00, në rrugën “Vëllezërit Qoku”, kur i riu me inicialet A. L., 19 vjeç, me automjetin që drejtonte, ka përplasur këmbësorin F. P., 68 vjeç.
Policia vendore njoftoi se i plagosuri është transportuar në spitalin rajonal të Lezhës, ku aktualisht është jashtë rrezikut për jetën.
“19-vjeçari është shoqëruar në Komisariat dhe me të po kryhen veprimet e mëtejshme procedurale”, bënë me dije burime zyrtare.
Ndërkaq, grupi hetimor po punon për përcaktimin e shkakut të aksidentit dhe dinamikës së tij.
Komento
Komente
