Lezhë- Një zyrtar vendor është marrë nën akuzë nga Policia e Lezhës, pasi akuzohet se ka lejuar pushtimin e një sipërfaqe toke, duke firmosur procesverbale në mënyrë të paligjshme, nëpërmjet shpërdorimit të detyrës.
Po kështu nën hetim u mor edhe një banor i zonës, por nuk u dhanë sqarime nëse të dyja ngjarjet ishin të lidhura mes tyre.
“Specialistët për Hetimin e Krimit Ekonomik dhe Financiar referuan materialet në Prokurori, ku nisi procedimi në gjendje të lirë për shtetasin A. P., 64 vjeç, punonjës i një institucioni publik, për veprat penale “shpërdorimi i detyrës” dhe “falsifikimi i dokumenteve”, njoftoi policia vendore.
Zyrtari vendor akuzohet se ‘ka firmosur një procesverbal i cili ka lejuar pushtimin e paligjshëm të territorit’.
Po nga specialistët e kësaj zyre u referuan materialet në Prokurori edhe për T. P., 61 vjeç, banues në Lezhë, për veprat penale “falsifikimi i dokumenteve” dhe “falsifikimi i akteve të gjendjes civile”.
“61-vjeçari dyshohet se ka falsifikuar disa dokumente”, tha poliia, por pa dhënë detaje të hollësishme për të dyja ngjarjet e proceduara.
Komente
