Një aksident i trefishtë ka ndodhur pasditen e sotme, në aksin rrugor Lezhë-Shëngjin, në afërsi të lagjes Sake, ku si pasojë janë plagosur 2 persona.
Mjeti 'Volkswagen' që vinte në drejtim të Lezhës është përplasur ballë për ballë me një mjet tip 'Mercedez', ndërsa, në aksident u përfshi edhe një furgon me shtetas polakë, por pa probleme për pasagjerët që ishin në të.
Dyshohet se shkak i aksidentit është bërë devijimi që ka tentuar të bëjë mjeti tip 'Mercedez', për të shmangur një kanal uji.
Njoftimi i Policisë:
S.B//ReportTv.alLezhë/Informacion paraprak
Rreth orës 18:30 në aksin rrugor “Lezhë- Shëngjin”, automjeti me drejtues shtetasin M. V., është përplasur me automjetin me drejtues shtetasin R. Ç, dhe me automjetin me drejtues shtetasin P. T.,
Si pasojë janë dëmtuar lehtë drejtuesi i automjetit shtetasi M. V., dhe 1 pasagjere në automjetin që drejtonte shtetasi R. Ç., të cilët janë në kujdesin e mjekëve dhe jashtë rrezikut për jetën.
Grupi hetimor vijon veprimet në vendngjarje për përcaktimin e rrethanave dhe shkaqeve të aksidentit.
