Një automjet tip “Volkswagen Golf” është përfshirë nga flakët e zjarrit mbrëmjen e sotme në lagjen “Besëlidhja” të qytetit të Lezhës.
Mjeti ndodhej i parkuar në momentin kur ka shpërthyer zjarri, ndërsa forcat zjarrfikëse kanë ndërhyrë menjëherë, duke shmangur përhapjen e flakëve drejt automjeteve të tjera që ndodheshin pranë.
Fatmirësisht nuk raportohet për persona të lënduar, ndërsa mjeti ka pësuar dëme të konsiderueshme materiale.
Shkaqet e zjarrit ende nuk janë përcaktuar, dhe policia po heton nëse bëhet fjalë për një zjarrvënie të qëllimshme apo për një defekt teknik në automjet.
Komento
Komente
