Durim Taçi me romanin “Liqeni në mes të detit”, Arben Dedja me librin poetik “Italian job” dhe Frano Kullin me botimin “Fjalori i Gjergj Fishtës” janë fituesit e çmimeve letrare “At Gjergj Fishta” për vitin 2022.
Në konkursin e zhvilluar në Lezhë morën pjesë 22 autorë, ndërsa librat u vlerësuan nga juria e përbërë nga emra të njohur të letrave, si Stefan Çapaliku, Ndue Dedaj dhe Suela Bala.
Në këtë edicion u ndanë dhe tre çmime të karrierës për Zija Çelën, Rudolf Markun dhe Tonin Çobanin.
Konkursi u organizua nga Bashkia e Lezhës në bashkëpunim me Ministrinë e Kulturës, ndërsa çmimet letrare kombëtare ndahen me rastin e 151-vjetorit të lindjes së At Gjergj Fishtës.
Komento
