Më shumë se 2 mijë banorë të fshatit Mylte, të Bashkisë Lezhë, kërkojnë rikonstruksionin e rrugës, pasi ajo është e pakalueshme. Përveç vështirsive që ajo sjell për banorët e kësaj zone, rruga shihet edhe si një mundesi tjetër lidhje me bregdetin e Tales, duke ndikuar ndjeshëm në uljen e trafikut.
Drejtuesit e mjeteve dhe banorë të zonës që e përshkojnë vazhdimisht këtë segment, thonë se nuk e kanë parë asnjëherë asfalt në këtë rrugë dhe kërkojnë ndërhyrje sa më të shpejtë nga Bashkia. Banorwt e zonws janw shprehur se kjo rrugw i ka shkaktuar shumw amortizime nw makina dhe se nw dimwr bwhet e thuajse e pakalueshme.
Ndërsa, Kryetari i Bashkisë Lezhë, shprehet se do të ndërhet sa më shpejt për asfaltimin e kësaj rruge duke lehtësuar vështirsitë që ajo sjell për banorët.
Do të shikojmë mundësinë e asfaltimit të këtij segmenti. Është një zonë që po del nga ato rurale.është një zonë tejet e populluar. Do të bëj çmos që njerëzit të lëvizin lirëshëm por edhe prodhimet e tyre të transportohen.
Fran Frrokaj, Kryetar i Bashkisë Lezhë
Segmenti që përshkon fshatin Mylte, krijon një lidhje më të shkurtër me plazhin e Tales, ndaj edhe Bashkia synon ndërhyrjen duke e parë si një arterie të rëndësishme për zhvillimin e kësaj zone turistike.
Komente
