Shëngjin- Terrorizoi banorët në zonën e Kunes në Shëngjin me të shtëna armësh, shpallet në kërkim nga Policia e Lezhës 21-vjeçari i dyshuar.
Ngjarja ka ndodhur dy ditë më parë, ndërsa sot burime zyrtare konfirmuan identifikimin dhe shpalljen në kërkim të 21-vjeçarit me inicialet A.N., banues në Lezhë.
Hetimet paraprake janë kryer nga specialistët për Hetimin e Krimeve në Komisariatin e Shëngjinit, të cilat ia kanë referuar prokurorisë vendore.
“Në zonën e Kunes në Shëngjin, dyshohet se ka qëlluar me armë zjarri në ajër, duke shkaktuar panik në zonë”, sqaroi policia për detajet e ngjarjes.
Grupi hetimor po vijon punën për kapjen e të riut dhe dokumentimin e plotë të rrethanave të ngjarjes.
Komento
Komente
