LEZHË - Një 43-vjeçar u arrestua nga policia në aksin Shkodër-Lezhë pasi u kap me 2 kg heroinë si dhe 2 armë tip kallashnikovë.
Policia gjatë kontrolleve të ushtruar në kuadër të operacionit "Aksi" ka ndaluar Genci Dritën, 43 vjeç në aksin Shkodër-Lezhë teksa udhëtonte me makinë.
Në mjetin e tip "Renault", në bagazh u gjetën 2 pako me lëndë narkotike të dyshuar heroinë si dhe 2 armë zjarri tip kallashnikov.
Në vijim të veprimeve u bë arrestimi në flagrancë i Genci Dritës 43 vjeç, banues në Tiranë, për veprat penale "Prodhimi dhe shitja e narkotikëve” dhe "Armëmbajtja pa leje".
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme.
Komento
Komente
Hahaha Genci Drita? Ishte Mario Rossi.....
Përgjigju